Luk 22:19 - Nupela Testamen long tokples Kandas

¹⁹ Ra i los pas a beret, i watung wakak pas uni, i tibiki, ma i tabor det nami, ra i watungi lena, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Luk 22:19 ပူးပေါင်းရင်းမြစ်များ

Matiu 14:19

Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.

Matiu 15:36

I los pas a wonom mawit nin beret ma a kabanin kiripo ra, i watung wakak pas uni torom o God, i tibiki ma i pitari torom a kum nat na ususer sur det in tabor a taro nami.

Luk 22:17

O Iesu i los pas a kap ma i watung wakak pas uni, ra i watungi tandet lena, “Mot in los pas a kap ri, ma mot rop mot in inum taguni.

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

Luk 24:30

Ra detul kis sur detul in nangon, o Iesu i los pas a beret, i watung wakak pas uni, i tibik pasi, ma i tabor der nami.

A Wakak na Wasiso un o Iesu Karisito o Jon i tumusi 6:23

A ramano kum pot tagitong o Taiberias det sot milau una nubual ra a Labino i watung wakak una beret, ma a kunur na taro det wangon iai.

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

1 Korin 10:16

Ra dat inum tagun a kap ra di sa watung wakak pas uni torom o God, dat takai mukut nam o Karisito, una gapino. Ma ra dat wangon tagun a beret ra dat tibiki, dat takai mukut nam o Karisito, una pinino.

1 Korin 10:4

ma det inum tagun ara danim na Nion kut, uni det inum tagun a wat na Nion, ra i wan tomo nam det. Ma a wat na Nion ra, i o Karisito.

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Galesia 4:25

O Agar i tur ukinalong a tangai Sainai kurong o Arebia, ma i elar nama malalarin o Jerusalem anun a taro Juda, uni a taro Juda det kis na tene ititula una Warkurai.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

1 Tesalonaika 5:18

Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.