Luk 22:17 - Nupela Testamen long tokples Kandas

¹⁷ O Iesu i los pas a kap ma i watung wakak pas uni, ra i watungi tandet lena, “Mot in los pas a kap ri, ma mot rop mot in inum taguni.

Luk 22:17 ပူးပေါင်းရင်းမြစ်များ

Matiu 14:19

Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.

Matiu 15:36

I los pas a wonom mawit nin beret ma a kabanin kiripo ra, i watung wakak pas uni torom o God, i tibiki ma i pitari torom a kum nat na ususer sur det in tabor a taro nami.

Matiu 26:26

Det wangon utmakai, ra o Iesu i los pas a beret, i watung wakak pas uni, i tibiki, ma i tabor anun a kum nat na ususer nami, ra i watungi lena, “Mot in rakoni ma mot in nani. Iri a pining.”

A Wakak na Wasiso un o Iesu Karisito o Mak i tumusi 14:22

Det wangon utmakai, ra o Iesu i los pas a beret, i watung wakak pas uni, i tibiki, ma i tabor anun a kum nat na ususer nami, ra i watungi lena, “Mot in rakoni, iri a pining.”

Luk 22:19

Ra i los pas a beret, i watung wakak pas uni, i tibiki, ma i tabor det nami, ra i watungi lena, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Luk 9:16

O Iesu i los pas a limanin beret ma arin kiripo, i tamtama usapat una langit, i watung wakak pas torom o God uni, i tibiki ra i pitari tan a kum nat na ususer, sur det in tibo a taro nami.

A Pas anun o Pol torom a taro Rom 14:6

O naro ra i nuki lena, ara bung i labo, a nuknukino i lenra, sur in ulabo pas a Labino. Ma o naro ra i ser wan a kum utna rop, i pami sur in ulabo pas a Labino, uni i ser watung wakak torom o God. Ma o naro kai, ra i ser wani kut a kum utna ra di maruti, i pami kai, sur in ulabo pas a Labino, ra i ser watung wakak torom o God.

1 Korin 10:16

Ra dat inum tagun a kap ra di sa watung wakak pas uni torom o God, dat takai mukut nam o Karisito, una gapino. Ma ra dat wangon tagun a beret ra dat tibiki, dat takai mukut nam o Karisito, una pinino.

1 Korin 11:23

Uni a etowo ri a los pasi tan a Labino ma a sa pitar tari torom mot i lenri: Una bung na mirum ra di usobor tar a Labino o Iesu, i los pas a beret.