Luk 20:46 - Nupela Testamen long tokples Kandas

⁴⁶ “Mot in tumarong mot gusun a kum tene ususer tagun a Warkurai. Det nemi sur det in nan tuptupukus nama kum wakak na ememar, ma det nemi kai sur a taro det in pitar a labino urur torom det una kum nubual na inawan tomo. Ma det nem a kinkinis sa numugu una kum rumu na lotu, ma a kinkinis na labino sa numugu una kum lukaro.

Luk 20:46 ပူးပေါင်းရင်းမြစ်များ

Matiu 16:6

O Iesu i watungi tandet lena, “Mot in tumarong una is anun a kum Parisi ma a kum Sadusi.”

Matiu 23:1

Numur o Iesu i watungi tan a kunur na taro ma anun a kum nat na ususer lena,

A Wakak na Wasiso un o Iesu Karisito o Mak i tumusi 8:15

Ra o Iesu i utumarong det lena, “Mot in tumarong una is anun a kum Parisi, ma anun o Erod.”

Luk 11:43

In laulau doko torom mot a kum Parisi, uni mot nem a kinkinis na labino sa numugu una kum rumu na lotu. Ma mot nemi kai sur a taro det in pitar a labino urur torom mot una kum nubual na inawan tomo.

Luk 12:1

A ararip na taro det sa wanpat tomo, ra det isugut etalai det mukut, ra o Iesu i watung mugu i torom anun a kum nat na ususer lena, “Mot in tumarong una is anun a kum Parisi. A wasiso una nundet a petutna na torotoro.

Luk 14:7

Ra o Iesu i kis una inangon ri, i tama a taro ra det wanpat, det pilok pasi ut a kum kiskis sa numugu. Ma i watung ara wasiso elelar tandet lena,

Luk 20:47

Det ser urop a kum ululeng anun a kum ula, ma det ser pam a kum walalos na niaring sur a taro det in tama det. In labo doko a warkurai na minabalu anun o God torom det.”

A Pas anun o Pol torom a taro Rom 12:10

Mot in nem etetalai mot elar nami ra mot nem a kum tistisi mot. Mot in urur etetalai torom mot, ma gong mot nuk pas mot ut.

2 Timoti 4:15

Un tumarong ui gusuni, uni i turbat dekdek anundat a etowo.

3 Jon 1:9

A sa tumus tar a pas torom a taro na lotu una num a tamon, ikut o Diotrepes i ra i nem doko i sur in mugumugu anumot, ke ser longoro met.