Luk 20:24 - Nupela Testamen long tokples Kandas

²⁴ “Mot in ese iau nam tu mani. In masarin osi ri, ma a tumtumus ri uni anun osi?” Det balu i lena, “Anun a Sisa.”

Luk 20:24 ပူးပေါင်းရင်းမြစ်များ

Matiu 18:28

“A tultul ra i pirso unago utamon, ra i barato pas ara tultul ra numugu i los pas a noino mani kut tano. I pam ukai pasi, i bing in kabarano, ra i watungi tano lena, ‘Un balu tar anung a mani ra u los pasi.’

Matiu 20:2

Det kubus wasiso tomo pas nama kum tene pinapam sur det in los a ikul tagun ara bung na pinapam, ra i tulu det sur anun a kinobot na wain.

Matiu 22:20

Ma i ting det lena, “In masarin osi ri, ma a tumtumus ri uni anun osi?”

A Wakak na Wasiso un o Iesu Karisito o Mak i tumusi 12:16

Ra det pitar tar a mani tano. Ma i ting det lena, “In masarin osi ri, ma a tumtumus ri uni anun osi?” Ra det balu i lena, “Anun a Sisa.”

Luk 2:1

Una kilalo ra, o Sisa Augustus, a mugumugu tagun a gapman Rom, i ubek a warkurai sur din tumus a risan a taro rop una kum tamon ra o Rom i warkurai sur det.

Luk 20:22

Pepetlai, i tokodos sur dat in pitar a takis torom a Sisa o awu?”

Luk 20:23

O Iesu i sa tasman ru anundet a torotoro, ra i watungi tandet lena,

Luk 20:25

Ra i watungi tandet lena, “Asau ra anun a Sisa, mot in pitari torom a Sisa. Ma asau ra anun o God, mot in pitari torom o God.”

Luk 23:2

Ra det turpasi sur det in takuni lena, “Met pastorom a musano ri i ben raro anumet a taro. I turbat met sur gong met pitar a takis torom a Sisa, ma i warango i kai lena, i a Karisito, a king.”

Luk 3:1

Ra i sa noino ma limo na kilalo una warkurai anun o Sisa Taiberius, o Pontias Pailat a labino mugumugu i warkurai sur a papor Judia, ma o Erod i mugumugu una papor Galili, ma a tisino o Pilip i mugumugu una aru papor Ituria ma o Trakonitis, ma o Lisanias i mugumugu una papor Abilene

Aposel 11:28

Ara tagun det, a risano o Agabus, i tur, ra i wasiso nama dekdekin a Tokodos na Nion. I wasiso mugu taru una labino munurak ra in nanpat una rakrakon bual rop ra i kis utuntudu ina warkurai anun a taro Rom. A munurak ri i wanpat una kilalo ra o Klodius i mugumugu tagun a gapman.

Aposel 26:32

Ma o Agripa i watungi tan o Pestus lena, “Ra gunuk a musano ri ken sasaring sur a Sisa in warkurai i, i wakak kut sur din palos ru i.”

Pilipai 4:22

A taro anun o God, det rop, det pitar anundet a marmaris torom mot, ma a taro kai anun o God, ra det kis una rumu anun a Sisa, det pitar anundet a marmaris torom mot.