Luk 19:38 - Nupela Testamen long tokples Kandas

³⁸ “A king ra i wanpat nama risan a Labino i dan! Sng 118:26 A malmal sapat netes una langit, ma a minamar sapat netes sakit!”

Luk 19:38 ပူးပေါင်းရင်းမြစ်များ

Matiu 2:2

Ra det iting lena, “Awai i a nat ra di ususi, sur in king anun a taro Juda? Uni met tama anun in nangnang tiro una nubual ra in matanas i pusu pat iai, ra iri met wan urin sur met in lotu toromi.”

Matiu 21:9

A kunur na taro ra det mugu tano, ma det kai ra det mur, det kukukuk lena, “Osana torom a Nutun o Dewid! O naro ra i wanpat nama risan a Labino i dan!” Sng 118:25-26 “Osana usapat netes sakit!”

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

Luk 13:35

Tama i! O God i sa wan gusun anumot a tamon. A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’” Sng 118:26

A Pas anun o Pol torom a taro Rom 5:1

Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

Epeses 1:12

I pilok pas met, a mugano taro ra met nurnur un o Karisito, sur met in watung ulabo pas o God kibino una nun a minamar.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 3:10

Ikut uniri, i pami lenri torom a taro na lotu, sur in upuaso anun a labino mananos torom a kum nion, det ra det mugumugu ma det ra det utur ukai a warkurai una langit.

Epeses 3:21

Dat tomo nama taun taro rop numur, dat in rakon lekeleke pasi, ken rop ma ken rop, una kum lamlabino utna i sa pam tari una taro na lotu, ma un o Karisito Iesu. Amen.

Kolosi 1:20

Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.