Luk 19:13 - Nupela Testamen long tokples Kandas

¹³ Numugu tan anun a inawan, i kabo pas anun a noino tultul toromi, ra i pitar tar ara noino mani tandet, ra i watungi lena, ‘Mot in ulabo i, tuk ra an milet melet.’

Luk 19:13 ပူးပေါင်းရင်းမြစ်များ

Matiu 25:16

O naro ra di pitar tar a limo na arip na mani tano, i wan lakit ma i papam nami, ma i ulabo melet pas a limo na arip taguni.

Matiu 25:20

O naro ra di pitar tar a limo na arip na mani tano i wan toromi nama limo na arip melet, ra i watungi tano lena, ‘Labino, u pitar tar a limo na arip na mani tang. Tama i, a sa ulabo melet pas a limo na arip taguni.’

Matiu 25:22

“O naro ra di pitar tar aru arip na mani tano i wan toromi, ma i watungi lena, ‘Labino u pitar tar aru arip na mani tang. Tama i, a sa ulabo melet pas aru arip taguni.’

Matiu 25:24

“Numur, i ra di pitar tar ara arip na mani tano i wan toromi, ra i watungi lena, ‘Labino, a tasmani lena ui a tene ngalngalia. U ser pasong pas a utna ra ko marut tari, ma u git pasi kai, a win a utna ra ko marut tari.

Luk 19:12

lena, “Ara mugumugu i wan sur ara tamon bakbak, sur din mulaot tari sur in king, ra numur in milet melet.

Luk 19:14

Ikut a taro tagun anun a tamon det ngeti, ra det tulu ru ara taro sur det in muri, ma det watungi lena, ‘Ka met nem a musano ri sur in king anumet.’

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.