Luk 18:43 - Nupela Testamen long tokples Kandas

⁴³ Uniutra i tamtama, i mur o Iesu, ra i watung ulabo pas o God. Ma a taro rop kai ra det tama i, det watung ulabo pas o God.

Luk 18:43 ပူးပေါင်းရင်းမြစ်များ

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 21:14

A kum pulu ma det ra a kikindet i mat det wan toromi ubalan in noworo ina rumu na etabor ma i ulangolango pas det.

Matiu 9:8

A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.

Luk 13:17

Ra i sa watung tari lenri tandet, det rop ra det pukus a pinapam anun o Iesu, det maimai, ikut a kunur na taro det gas una kum wakak na utna ra o Iesu i pami.

Luk 19:37

Ra i sa milau una kisapi ra i wan pirso una Tangai na Oliw, a labino gasgas i los a taro na ususer rop ma det watung ulabo pas o God una kum utna na ukisin ra det sa tama i. Det watung ulabo pasi nama labino walngandet lena,

Luk 4:39

Ra o Iesu i tur taru nisan a bano, ma i wasiso torom a misait, ra a mararong i rop gusuni. Ra i tur mut, ra i tabor det mo nama utna na inangon.

Luk 5:26

Det rop det kisin doko, ra det rakon lekeleke pas o God. Det ngara doko, ra det watungi lena, “Uniri, dat tama a kum se utna i wanpat una nundat a tamtama.”

Luk 9:43

Ma det rop det kisin una dekdekin o God. Ra det kisin utmakai una kum utna ra o Iesu i sa pam tari, i watungi tan anun a kum nat na ususer lena,

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Aposel 4:21

Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari.

Galesia 1:24

Ra det watung ulabo pas o God uni i papam una nung a nilaun.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.