Luk 17:30 - Nupela Testamen long tokples Kandas

³⁰ “In lenkutkai ra una bung ra a Nutun a Musano in nanpat puaso uni.

Luk 17:30 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 24:3

Ra o Iesu i kis sapat netes una Tangai na Oliw, a kum nat na ususer det wanpat eno toromi, ma det watungi tano lena, “Un inanos met, nangisin mo a kum utna ri in nanpat? Ma asi na ukinalong ra in ese anum a milmilet ma a ururop ina rakrakon bual?”

Matiu 24:37

A inawan pat melet anun a Nutun a Musano, in elar nama kum bung anun o Noa.

Matiu 24:39

Ma ka det tasman asau ra in nanpat, tuk in nolomom i wanpat, ra i los rop ru det. In lenkutkai ra una inawan pat melet anun a Nutun a Musano.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

A Wakak na Wasiso un o Iesu Karisito o Mak i tumusi 13:26

“Una bung ra, a taro det in tama a Nutun a Musano in nanpat una kum du bakut nama labino dekdek ma a minamar.

Luk 17:24

Uni una bung ra a Nutun a Musano in nan pat, a taro rop det in tama i. In elar namin nememe, ra i meme i tagitong un ara papor maino, tuk un ara papor kai.

Luk 17:29

Ikut una bung ra o Lot i wan gusun a tamon Sodom, a sungun ma a salfa i puku tagisapat una bakut elar namin nabato, ra det rop det iru uni.

Luk 21:22

Uni a kum bung ra, det a kum bung na minabalu sur din pam sot pas a kum ututna rop ra di sa tumus tari una Buk Tabu.

Luk 21:27

Una bung ra, det in tama a Nutun a Musano in nanpat una du bakut, nama dekdek ma a labino minamar.

1 Korin 1:7

I mo ra ka mot in sibo sur tu etabor anun a Tokodos na Nion torom mot, ra mot ser kis langlang nama gasgas sur anundat a Labino o Iesu Karisito ra in nanpat puaso.

1 Korin 1:8

I ut in udekdek mot tuk una ururop na bung, sur katu utna ra din takun mot nami una bung anun anundat a Labino o Iesu Karisito.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Jon 2:28

A kum nutnutung liklik, mot in kis tukum un o Karisito, sur gong dat ngara ma gong dat maimai una nun a bung na inawan pat.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.