Luk 17:29 - Nupela Testamen long tokples Kandas

²⁹ Ikut una bung ra o Lot i wan gusun a tamon Sodom, a sungun ma a salfa i puku tagisapat una bakut elar namin nabato, ra det rop det iru uni.

Luk 17:29 ပူးပေါင်းရင်းမြစ်များ

Luk 17:28

Lenkutkai ra una kum bung anun o Lot. A taro det wangon, ma det inum, det kukul, ma det siuru, det marut utna, ma det pam rumu.

Luk 17:30

“In lenkutkai ra una bung ra a Nutun a Musano in nanpat puaso uni.

2 Pita 2:6

Ma i pitar a warkurai na minabalu una aru tamon, o Sodom ma o Gomora ra i tun ru der, ra der a kabo kubus mukut. I pami lenra sur a malalar ina sau ra kura numur in nanpat torom a taro ra det rosumur gusun o God.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 11:8

Ma a minatinder in inep kut una kisapi ina labino tamon di watung larlari nam o Sodom ma o Ijip, a tamon ra di sak wati kai anunder a Labino iai.

Tamtama 14:10

i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.