Luk 16:24 - Nupela Testamen long tokples Kandas

²⁴ Ra i kakabo lena, ‘Tita Abaram, un maris iau, un tulu ru o Lasarus sur in puk pas in kaskas na lamano una danim sur in ukotokoto tar in karmeng nami, uni a taramo a labino ngunungut nin una sungun.’

Luk 16:24 ပူးပေါင်းရင်းမြစ်များ

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 3:9

Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

Luk 16:30

A tene gongon i watungi lena, ‘Awu, Tita Abaram, ra ut ra taio tagun a kum minat in nanpat torom det, det in nukpukus.’

Luk 19:9

Ra o Iesu i watungi tan o Sakias lena, “Uniri, di sa ulaun pas det ra det kis una rumu ri, uni o Sakias kai tagun a kum tumtubun o Abaram.

Luk 3:8

Mot in pam a kum utna ra in upuaso i lena mot sa nukpukus. Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Wakak na Wasiso un o Iesu Karisito o Jon i tumusi 7:37

A ururop na bung ina kum lamlabino bung na lotu, i a labino bung sakit. Una bung ra, o Iesu i tur ma i wasiso namin labino walngano, i watungi lena, “Osi ra i muruk, i wakak sur in nan torom iau ma in inum.

A Pas anun o Pol torom a taro Rom 4:12

Ma i a tamandet kai ra di tok talilis det. Awu sur kibino ra di tok talilis det, ikut uni det mur a kisapi na nurnur ra tamandat o Abaram i muri, ra kabaut di tok talilis a pinino.

2 Tesalonaika 1:8

In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

Jems 2:13

Uni, osi ra ke lason una marmaris, o God kai ken marisi una bung na warkurai. Ikut, o naro ra i lason una marmaris, o God in marisi una bung na warkurai.

Jems 3:6

In karmendat i elar nama sungun. I ara du pinindat, ra i bukus nama laulau ino, ra i ban udur a kudulano pinindat rop. I ungangon anundat a kudulano nilaun nama sungun tagun a labino sungun, ra ke ser mat.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 22:1

Numur a ensel i ese tar a danim na nilaun torom iau, i talapor elar nama galas. I sal pat tagun a kiskis na king anun o God, anunder tomo nama Barman na Sipsip,