Luk 16:22 - Nupela Testamen long tokples Kandas

²² “Numur a nat na soi ra i mat, ra a kum ensel det los pasi ma det ukis tari upaporin o Abaram. Ra a tene gongon bulung i mat, ma di por ru i.

Luk 16:22 ပူးပေါင်းရင်းမြစ်များ

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Matiu 8:11

A watungi tamot lena kura numur a susut na taro det in nan tagitiro na matmatano tobar ma a matmatano lubur, ra det in kis tomo nam o Abaram, o Aisak ma o Jekop una lukaro una matanitu sapat una langit.

A Wakak na Wasiso un o Iesu Karisito o Mak i tumusi 8:36

Osi ra in utur ukai a kum ututna rop taginin una rakrakon bual, ma a niono in iru, in wakak pepetlai toromi?

Luk 12:20

Ikut o God i watungi tano lenri, ‘Ui a longlong! Uniutri una mirum, un mat! Osi mo in los a kum ululeng ra u sa ubek tomo tari sur ui?’

Luk 16:21

I nemi sur in nan a kum mumumut na utna ra det puku taru gusun a kabulu na inangon anun a tene gongon. Ma a kum pap det ser dami kai a kum inangon una pinpinino.

A Wakak na Wasiso un o Iesu Karisito o Jon i tumusi 1:18

Kataio utmakai i tama tar o God. Ikut ara Nutunu kut, ra i kis tomo nam o Tamano, i ut i ese o God torom dat. Ma i ut o God.

A Wakak na Wasiso un o Iesu Karisito o Jon i tumusi 13:23

Ara nat na ususer i kis milau o Iesu. A nat na ususer ri, o Iesu i ser nem doko i.

A Wakak na Wasiso un o Iesu Karisito o Jon i tumusi 21:20

O Pita i ger ma i tama a nat na ususer ra o Iesu i ser nem doko i, kura i mur der. A nat na ususer ra, i ra i ere torom o Iesu una nundet a ururop na inangon, ra i ting o Iesu lena, “Labino, osi ra in usobor tar ui?”

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

Jems 1:11

Uni in matanas in pusu pat nama labino mararongino, ra in rang in nanai, ma a puspusino in puku, ra a wakak na tamtama ino in rop. Lenkutkai lar a tene gongon in rop tomo nam anun a kum ululeng.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”