Luk 16:15 - Nupela Testamen long tokples Kandas

¹⁵ Ra o Iesu i watungi tandet lena, “Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.

Luk 16:15 ပူးပေါင်းရင်းမြစ်များ

Matiu 23:5

Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.

Matiu 6:16

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.

Matiu 6:2

Ra un tabor a kum sibo na taro, gong u wasiso mugu sur a taro det in tama ui. A taro ra ka det etabor nama lingmulus una balandet, det ser wasiso mugu nam anundet a etabor una kum rumu na lotu ma una kum kisapi kai, sur a taro det in watung ulabo pas det uni. Gong mot pami elar nam det. A inanos mot nama lingmulus, ra a taro det ulabo pas det, i ut ra anundet a kudulano ikul.

Matiu 6:5

“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.

Luk 10:29

Ikut a tene ususer tagun a Warkurai i nemi sur in ukodos pasi umatan o Iesu, ra i tingi lena, “Osi ra a pasang?”

Luk 11:39

Ra a Labino i watungi tano lena, “Mot a kum Parisi mot ser gos pasi kut a surun a kap ma a pelet, ikut a balamot i bukus nama petutna na ungongos pas a utna tan taio ma a kum sakino petutna.

Luk 18:11

A Parisi i tur ma i wararing suri ut lenri, ‘God, a watung wakak torom ui, uni ka elar nam ara taro kai, a kum tene wolong, det ra ka det tokodos, ma det ra det pam a sakino nam tu ino anun taio o nam tu musano anun taio, ma ka elar kai nama tene los takis iri i.

Luk 18:14

A watungi tamot, a musano ri, ra i milet melet sur anun a rumu, i sa tokodos umatan o God, ma ara pasander awu. Uni det rop ra det ulabo pas det, din unatino det. Ma osi ra i unatino pasi, din ulabo pasi.”

Luk 18:21

A musano ra i balu i lena, “Turpasi ra a natlik utmakai tuk uniri, a ser mur a kum Warkurai rop ri.”

Luk 18:9

O Iesu i watung a wasiso elelar ri torom det ra det nurnur ut un det lena, det a kum tene tokodos, ma det tama pisopiso a taro rop.

Luk 20:20

A kum tene ususer tagun a Warkurai ma a kum lamlabino tene etabor torom o God det tama sursuri, ma det tulu ru a kum tene torotoro ma det toro lena det a lingmulus na taro. Ra det kis na usobor sur tu wasiso ra o Iesu in watung tari ra det in takuni nami, sur det in pitar tari una warkurai ma una dekdekin a mugumugu tagun a matanitu Rom.

Luk 20:47

Det ser urop a kum ululeng anun a kum ula, ma det ser pam a kum walalos na niaring sur a taro det in tama det. In labo doko a warkurai na minabalu anun o God torom det.”

A Wakak na Wasiso un o Iesu Karisito o Jon i tumusi 2:25

Ke sibo sur taio ra in inanosi una petutna anun a taro, uni i ut i tasman wakak a balandet.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.

Aposel 1:18

Ra o Judas i kul pas a du piso nama mani tagun anun a sakino pinapam ra i pam tari. Numur i puku pirso tiro iai una nun a du piso, in masarino i mugu. Ra in balano i tupurus potor, ma in narus na balano i tilior piso rop.

Aposel 1:24

Ma det wararing lena, “Labino, u sa tasman a balan a taro rop, un ese met, osi mulus tagun der ri u sa pilok pasi,

Aposel 15:8

Ma o God, i ra i tasman a nuknukin a taro rop, i pitar a Tokodos na Nion torom a taro ra awu sur a taro Juda elar nami ra i pitari torom dat. Una nun a pinapam ra, i ese i torom dat lena i mulaot pas det kai ra awu sur a taro Juda.

A Pas anun o Pol torom a taro Rom 3:20

I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 8:27

Ma o God i tama a balandat ma i tasman a nuknuk ina Tokodos na Nion, uni a Tokodos na Nion i wararing elar nama nemnem anun o God, sur a taro anunu.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

1 Pita 3:4

Anumot a ememar mulus ra ken rop, in nanpat ut tagun a balamot, lenri a wowowon na petutna ma a kinkinis na malmal. A ememar ri, a labino utna doko umatan o God.

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.