Luk 15:24 - Nupela Testamen long tokples Kandas

²⁴ Uni o nutunglik ri i sa mat, ma uniri i sa laun melet, i raro pas ma uniri i sa wanpat melet.’ Ra a lukaro i turpasi.

Luk 15:24 ပူးပေါင်းရင်းမြစ်များ

Matiu 8:22

Ikut o Iesu i watungi tano, “Un mur iau, ma un madek ru a kum minat det in por anundet a kum minat.”

A Wakak na Wasiso un o Iesu Karisito o Mak i tumusi 8:22

O Iesu tomo nam anun a kum nat na ususer det wanpat tong o Betsaida, ra ara taro det ben pat ara pulu toromi, ma det saringi sur in ubek a lamano uni, sur in tamtama.

Luk 10:19

Tama i, a sa pitar tar a dekdek tamot sur mot in pas watwat a kum sui ma a kum bukalo kai, ma sur mot in winim pas a dekdekin a ebar, ma katu utna in ban laulau mot.

Luk 15:23

Mot in nan, ma mot in dat pas tu barman na bulumakau ra i butbut urin, mot in um doko pasi, sur dat in nangon ma dat in gas tomo.

Luk 15:25

“Una bung ra a mugano nutunulik, i kis ut tiro una kinobot. Ra i wanpat tiro utamon milau a rumu, i longoro a tinangis na kaur ma a kelekele na nilagor,

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 15:4

“Ra taio tagun mot anunu tu mar na sipsip, ma ara tagun det in raro. Pepetlai, ken nan pas gusun a lisu na noino ma lisu tiro una nubual ra det wangon iai, ma in sisio sur ara ra i raro, tuk ra in sio melet pasi?

Luk 19:10

Uni a Nutun a Musano i wanpat sur in sisio sur det ra det raro ma in ulaun pas det.”

Luk 9:60

Ikut o Iesu i watungi tano, “Un madek ru a kum minat det in por anundet a kum minat. Ikut ui, un nan ma un warawai nama matanitu anun o God.”

A Wakak na Wasiso un o Iesu Karisito o Jon i tumusi 11:25

O Iesu i watungi tano lena, “Iau a nilaun melet gusun a minat, ma iau a nilaun mulus. Osi ra i nurnur un iau, ra in mat, in laun melet,

A Wakak na Wasiso un o Iesu Karisito o Jon i tumusi 5:21

O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.

A Pas anun o Pol torom a taro Rom 11:15

O God i rosumur munung gusun a taro Israel, sur in marom nama taro gisen tagun a rakrakon bual. Ra o God in ben melet pas a taro Israel, in wakak sakit, in elar nami ra det sa katutur melet gusun a minat.

A Pas anun o Pol torom a taro Rom 12:15

Ra a taro det gas, mot in gas tomo nam det. Ra det domos, mot in domos tomo nam det.

A Pas anun o Pol torom a taro Rom 6:11

Lenkutkai ra, mot in nuk pas mot lena mot sa mat gusun anumot a kum sakino petutna, ma mot, ra tagun o Karisito Iesu, mot laun sur mot in mur a nemnem anun o God.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 12:26

Ra tu du pinindat i ngungut, a kum du pinindat rop det in ngungut tomo nami. Ma ra di watung ulabo pas tu du pinindat, a kum du pinindat rop det in gas tomo nami.

Epeses 2:1

Numugu a niomot i mat, uni mot lakai a warkurai ma mot pam a kum sakino petutna.

Epeses 2:5

Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris.

Epeses 5:14

Uni a talapor in utalapor a kum utna, ra din tama lele det. I mo ra di watungi lenri, “Ui a tene ininep, un tuangun, ma un katutur melet gusun a minat, ma o Karisito in utalapor ui.”

Kolosi 2:13

Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

1 Timoti 5:6

Ikut, a ula, ra i nemi sur in gasgas oros kut, i laun, ikut a niono i sa mat.

A Pas anun o Jud 1:12

Ra a taro ri det wangon tomo nam mot una anumot a kum inangon na marmaris, det elar kut nama dur na utna. Det tabor masmasur pas det ut, ma ka det urur sur a taro gisen. Det elar nama bakut ra a wuwu i wup tuptupukusi, ra katu utna i ubatbati. Det elar kai nama kum duwai ra ka det wu una kalang ra det ser wu uni, det sa mat. Ra di sa gat ru det, anundet a manru na minat mo ra.

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.