Luk 15:22 - Nupela Testamen long tokples Kandas

²² Ikut o tamano i watungi tan anun a kum tultul lena, ‘Aiapiap! Mot in los lakit tin namalu ra i wakak doko urin, ma mot in upipis tari nami. Mot in ubek tar a ring una lamano, ma mot in pas tari kai aru su un aru kikino.

Luk 15:22 ပူးပေါင်းရင်းမြစ်များ

Luk 15:21

Ra o nutunulik i watungi tano lena, ‘Tita, a sa pam tar a sakino petutna torom o God ma torom ui kai. Ka wakak mo sur un watung iau a nutumlik.’

Luk 15:23

Mot in nan, ma mot in dat pas tu barman na bulumakau ra i butbut urin, mot in um doko pasi, sur dat in nangon ma dat in gas tomo.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

Galesia 3:27

Ra mot los a baptais, i ese i lena mot ara kut nam o Karisito, ma mot emar nam anun a nilaun.

Epeses 6:15

Mot in waninar sur a inawan nama Wakak na Wasiso na malmal, elar nama tene inaim i pas pas aru su una aru kikino.

Tamtama 19:8

Di sa pitar tar in wakak na malu, tan a ino sur in emar nami. In namalu ra i matok ma i talapor.” In wakak na malu ra, i tur ukinalong a kum tokodos na pinapam anun a taro anun o God.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

Tamtama 3:18

A warut mot nama kum nuknuk ri: Mot in kul a gol tang, ra di sa tun talapor tari una sungun, sur mot in tene ululeng. Ma mot in kuli kai in kabang na malu ma mot in pipisi, sur mot in pipis bat a mengere ra mot ser maimai nami. Ma mot in kul a marasin, ma mot in ubeki umatamot, sur mot in tamtama.

Tamtama 6:11

Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.