Luk 14:21 - Nupela Testamen long tokples Kandas

²¹ “A tultul i milet melet ra i inanos anun a labino una kum wasiso ra. A labino ra, in balano i sungun doko, ra i watungi tan anun a tultul lena, ‘Un nan lakit sur a kum tartarai na kisapi ma a kum natnat na kisapi una tamon, ra un ben pas a kum sibo na taro, det ra a pinindet i mat, a kum pulu, ma det kai ra det kaukawar kut.’

Luk 14:21 ပူးပေါင်းရင်းမြစ်များ

Matiu 11:28

“Mot rop ra pinimot i ngoro ma a kum mamaut i monong mot, mot in nan torom iau, sur an umana mot.

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 15:12

Numur anun a kum nat na ususer det wan toromi ra det tingi lena, “Pepetlai, u sa tasmani lena a kum Parisi det balano mamaut una num a wasiso?”

Matiu 18:31

Ra a kum paspasano det tama a kum petutna ra, det taramo laulau det. Det wan torom anundet a labino, ra det inanosi una kum utna ra a tultul ra i sa pam tari.

Matiu 20:7

Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’

Luk 14:13

Ra u waninar pas a inangon, un ben pasi kut a kum sibo na taro, det ra a pinindet i mat, det ra det kaukawar kut, ma a kum pulu.

Luk 14:20

Ma ara kai i watungi lena, ‘Unikutri a nolin, ma kan pet lar pasi sur an nan.’

Luk 14:22

Numur a tultul i watungi lena, ‘Labino, a sa pam tar a kum utna rop ra u itula suri, ikut a ramano kum kolo liklik kura utmakai una rumu.’

Luk 14:24

A watungi tamot, katutaio tagun det, ra di sa inanos mugu tar det, in nangon tagun anung a lukaro.’”

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 9:10

A kum aposel det milet melet, ra det inanos o Iesu una kum utna ra det sa pam tari. I ben pas det kut, ra det wan gisen sur a tamon a risano o Betsaida.

A Wakak na Wasiso un o Iesu Karisito o Jon i tumusi 9:39

O Iesu i watungi lena, “A wanpat urin una rakrakon bual nama warkurai, sur det ra det pulu det in tamtama, ma det ra det tamtama det in pulu.”

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Tamtama 19:15

Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit.

Tamtama 22:17

A Tokodos na Nion ma a matok na nolin na ino, der watungi lena, “Wan urin!” Ma osi ra in longoro i, i kai in watungi lena, “Wan urin!” Osi ra i muruk, i wakak sur in nan urin, ma osi ra i nemi, in inum tagun a danim na nilaun ra ka din kuli.