Luk 13:31 - Nupela Testamen long tokples Kandas

³¹ Una du bung ra, a kum Parisi det wanpat, ma det watungi tan o Iesu lena, “Un nan taginin ma un nan sur tu tamon gisen, uni o Erod i nem na um doko ui.”

Luk 13:31 ပူးပေါင်းရင်းမြစ်များ

Matiu 14:1

Una kilalo ra, o Erod a mugumugu tagun a gapman i longoro a wasiso un o Iesu,

Matiu 14:3

Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.

Matiu 14:6

Una bung ra di ukinalong a bung na usus anun o Erod, a nutun o Erodias a ino, i lagor umatandet. O Erod i gas doko nami,

Luk 23:7

Ra i sa tasmani lena o Iesu tagitong una papor Galili, ra o Erod i mugumugu iai, i tulu ru i toromi. Una bung ra, o Erod kai i kis sapat o Jerusalem.

Luk 3:1

Ra i sa noino ma limo na kilalo una warkurai anun o Sisa Taiberius, o Pontias Pailat a labino mugumugu i warkurai sur a papor Judia, ma o Erod i mugumugu una papor Galili, ma a tisino o Pilip i mugumugu una aru papor Ituria ma o Trakonitis, ma o Lisanias i mugumugu una papor Abilene

Luk 9:7

O Erod a mugumugu tagun a gapman i longoro a kum utna ri i wanpat, ra i talara a nuknukino uni, uni ara taro det watungi lena o Jon i sa laun melet gusun a minat.