Luk 12:48 - Nupela Testamen long tokples Kandas

⁴⁸ Ikut tu tultul ra ke tasman asau ra anun a labino i nemi, ma i pam a utna ra ke tokodos, din rapus liliki kut. Ma torom taio ra di pitar tar a susut tano, din nemi kai lako susut ut gusuni, ma osi ra di ubek tar a susut ulamano, din tingi ut sur lako susut.

Luk 12:48 ပူးပေါင်းရင်းမြစ်များ

Matiu 13:12

Uni osi ra i pam ukai a mananos uni, din tabor meleti nama labino, ma in mananos bing. Ma osi ra ke pam ukai tu mananos uni, din rakon ru i utkai asau lik ra kura i pam ukai i.

Luk 12:41

O Pita i ting o Iesu lena, “Labino, u watung a wasiso elelar ri un met kut, o una taro rop?”

Luk 12:49

“A wanpat sur an tagol tar a sungun una rakrakon bual, ma a nem doko i lena i sa wangon.

Luk 16:2

I kabo pasi, ma i tingi lena, ‘Asau ra a longoro i un ui? Un tumus a wasiso talapor una num a pinapam na tamtamabat ma un pitari tang, uni kon tene tamtamabat melet mo anungi.’

A Wakak na Wasiso un o Iesu Karisito o Jon i tumusi 15:22

“Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna.

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

1 Timoti 1:13

Numugu a ser watung laulau o Iesu, a ban laulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Jems 3:1

A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen.