Luk 11:48 - Nupela Testamen long tokples Kandas

⁴⁸ Lenra mot upuaso i lena, mot mulaot tomo nama kum tumtubu mot tagun numugu una nundet a pinapam ra det um doko a kum poropet, uni det um doko det, ma mot, mot utur a kum aim nisan a kum kulam na minatindet.

Luk 11:48 ပူးပေါင်းရင်းမြစ်များ

Matiu 23:27

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot elar nama kum kulam na minat ra di pen tar det. Ra di tama det taginago upiso det wakak, ikut tiro ubalandet i bukus nama kum sursur na minat ma a kum utna rop ra i dur.

Matiu 23:31

Ikut uniri mot upuaso mot ut lena, mot a kum tumtubun det ra det um doko a kum poropet.

Luk 11:47

In laulau doko torom mot, uni a kum tumtubu mot tagun numugu det um doko ru a kum poropet, ma mot utur a kum aim nisan a kum kulam na minat anundet, ikut ka mot mur anundet a wasiso.

Luk 11:49

I mo ri a kibino, o God ra i mananos doko i watungi lena, ‘An tulu ru a kum poropet ma a kum aposel torom a taro. A taro det in um doko lako taro tagun det, ma det in ukadik lako taro kai tagun det.’

A Pas anun o Pol torom a taro Rom 1:32

A ngas na taro lenri, det tasmani ut a warkurai anun o God lena, det ra det ser pam a kum petutna ri, i sot sur det in mat. Ikut det pami kut, ma det mulaot sur a taro gisen kai det in pami.

Jems 5:10

A kum tistising, mot in nuk pas a kum poropet tagun numugu, ra det ser wasiso nama risan a Labino. Det etorom a kum ngunungut, ikut a pinindet ke ngoro, det tur dekdek una nurnur. Ra det ese anundet a nilaun, ra i wakak sur mot kai mot in muri.