Luk 11:42 - Nupela Testamen long tokples Kandas

⁴² “In laulau doko torom mot a kum Parisi. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot pam a tokodos na warkurai torom a taro ma ka mot nem o God. I wakak sur mot in pam a tokodos na warkurai torom a taro ma mot in nem o God, ma gong kai mot dumano ru in tektekene tagun a noino, sur mot in pitari torom o God.

Luk 11:42 ပူးပေါင်းရင်းမြစ်များ

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 23:23

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.

Matiu 23:27

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot elar nama kum kulam na minat ra di pen tar det. Ra di tama det taginago upiso det wakak, ikut tiro ubalandet i bukus nama kum sursur na minat ma a kum utna rop ra i dur.

Luk 18:12

A ser wewel aru bung un ara wik, ma a ser pitar arara utna tagun ara noino utna ra a pam pat pasi.’

A Wakak na Wasiso un o Iesu Karisito o Jon i tumusi 5:42

Ikut a tasman mot ut lena, ka mot nem o God nama balamot mulus.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.