Luk 11:36 - Nupela Testamen long tokples Kandas

³⁶ Ra a pinim rop in bukus nama talapor, ma katu dumirum uni, in talapor rop, elar nama lam ra a talaporino i sisio un ui.”

Luk 11:36 ပူးပေါင်းရင်းမြစ်များ

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

Matiu 5:15

Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.

Luk 11:35

Un tumarong, sako a talapor ra kura un ui in dumirum.

Luk 11:37

Ra o Iesu i sa wasiso rop, ara Parisi i ben pasi sur det in nangon tomo. O Iesu i ruk ma i kis sur in nangon.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Ibru 5:14

Det ra det sa labo, det wan a dekdek na utna na inangon, uni det sa ulason det sur det in tama lele a wakak na petutna ma a sakino.

Jems 1:25

Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.