Luk 11:29 - Nupela Testamen long tokples Kandas

²⁹ Ra a kunur na taro det bukus nanan, o Iesu i watungi tandet lena, “A taro tagun uniri, a sakino taro. Det tamtama sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona.

Luk 11:29 ပူးပေါင်းရင်းမြစ်များ

Matiu 3:7

O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.

A Wakak na Wasiso un o Iesu Karisito o Mak i tumusi 8:38

A taro tagun uniri, anundet a nilaun i bakbak gusun o God, ma det a kum tene pam sakino. Osi ra in maimai un iau ma una nung a kum wasiso epotor tan a taro ri, a Nutun a Musano kai in maimai uni, ra in nanpat tomo nama kum ensel anun o Tamano ma a minamar anun o Tamano.”

Luk 11:16

A ramano taro kai det lar o Iesu sur in pam tu ukinalong sur in ese i lena, i tagisapat una langit.

Luk 11:50

I mo ra mot a taro tagun uniri, din pitar a warkurai na minabalu torom mot, una gapin a kum poropet rop, ra di sa um doko tar det, turpasi ut una turturkibin a rakrakon bual.

Luk 12:1

A ararip na taro det sa wanpat tomo, ra det isugut etalai det mukut, ra o Iesu i watung mugu i torom anun a kum nat na ususer lena, “Mot in tumarong una is anun a kum Parisi. A wasiso una nundet a petutna na torotoro.

Luk 9:41

O Iesu i balu i lena, “Mot a taro tagun uniri, ka mot nurnur ma mot a kum tene sakino. A sa kis suano i tomo nam mot. Nangisin mo mot in nurnur? Un ben a nutumlik urin.”

A Wakak na Wasiso un o Iesu Karisito o Jon i tumusi 2:18

A taro Juda det wanpat melet torom o Iesu ma det tingi lena, “Asi na ukinalong un ese met nami, sur met in tasmani lena u utur ukai a warkurai ra u pam a kum utna ri nami?”

A Wakak na Wasiso un o Iesu Karisito o Jon i tumusi 6:30

Ra det ting meleti lena, “Asi na ukinalong un pami sur met in tama i, ma met in nurnur un ui? Asau un pami?

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

1 Korin 1:22

A lingmulus, a taro Juda det nem na tama lako kum ukinalong, ma a taro Grik det sisio sur tu mananos.