Luk 1:65 - Nupela Testamen long tokples Kandas

⁶⁵ Ma a kum paspasan der rop, det ngara. A wasiso una utna ri, i wan sarara una kum tamon sapat una kum tangai una papor Judia.

Luk 1:65 ပူးပေါင်းရင်းမြစ်များ

Matiu 2:1

Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.

Luk 1:39

Numur o Maria i waninar pas, ra i wan lakit usapat una kum tangai sur ara tamon ra i kis una papor Judia.

Luk 2:18

Det rop ra det longoro a wasiso anun a kum tene tamtamabat anun a kum sipsip, det kisin doko uni.

Luk 5:26

Det rop det kisin doko, ra det rakon lekeleke pas o God. Det ngara doko, ra det watungi lena, “Uniri, dat tama a kum se utna i wanpat una nundat a tamtama.”

Luk 7:16

A taro rop det kisin ma det ngara, ma det watung ulabo pas o God, ma det watungi lena, “A labino poropet i sa wanpat epotor tandat. O God i sa wanpat sur in warut dat, anun a taro.”

Aposel 19:17

A wasiso una utna ri, i wanpat torom a taro Juda ma a taro kai ra awu sur a taro Juda ra det kis tong o Epeses, ra det ngara rop, ma det urur sakit una risan a Labino o Iesu.

Aposel 2:43

A kum aposel det pam a susut na utna na ukisin, ma a susut na ukinalong kai, ra a taro rop det urur un o God.

Aposel 5:11

Ra a taro na lotu rop det ngara doko, ma det rop kai ra det longoro a kum utna ri.

Aposel 5:5

O Ananias i longoro a wasiso ri, i puku pirso ra i mat. Ra det rop ra det longoro a wasiso uni det ngara doko.

Tamtama 11:11

Ikut numur tan a tulu bung ma a kukur, o God i wup tar a wuwu na nilaun un der. Ra der laun ma der tur, ma a labino nginara i los det ra det tama der.