Kolosi 4:8 - Nupela Testamen long tokples Kandas

⁸ A tulu ru i torom mot, sur mot in tasman anumet a nilaun nin i pepetlai, ma sur in uragot mot.

Kolosi 4:8 ပူးပေါင်းရင်းမြစ်များ

1 Korin 4:17

Iri a kibino ra a tulu ru o Timoti torom mot. I a nutung ra a nem doko i, ma i ser lingmulus una pinapam anun a Labino. In unuk tar mot melet una nung a kum petutna, ra i kibino pas tagun anung a kinkinis tomo nam o Karisito Iesu. Anung a petutna i elar nam anung a etowo torom a taro na lotu una kum tamon rop.

2 Korin 1:4

I ser umarom met una kum mamaut rop ra met taramo i, sur met kai met in umarom a taro, ra a kum mamaut i los det, nama umumarom ra o God i pitar tari tamet.

2 Korin 12:18

A saring pas o Taitus sur in nan torom mot, der nam ara tisimet kai. Pepetlai, o Taitus i sa los pas tu utna gusun mot? Awu. Met muri kut ara nuknuk, ma ara kisapi kut ra met muri.

2 Korin 2:7

ra uniri, mot in dumano ru anun a petutna ra, ma mot in umaromi, sur gong i tupunuk dekdek, ma in puku saksakit.

Epeses 6:22

I mo ra a tulu ru i torom mot, sur mot in tasman anumet a nilaun nin i pepetlai, ma sur in uragot mot.

Pilipai 2:28

I mo ra a nem doko i sur an tulu ru i torom mot, sur mot in tamtama tomo melet ma mot in gas, sur kan nuknuk melet.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

1 Tesalonaika 4:18

I mo ra mot in uragot etetalai mot nama kum wasiso ri.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

2 Tesalonaika 2:17

in uragot mot ma in udekdek mot una numot a kum wakak na pinapam ma a kum wakak na wasiso kai.