Kolosi 4:18 - Nupela Testamen long tokples Kandas

¹⁸ Iau o Pol, iau ut, a tumus a nat na wasiso na marmaris ri nama lamang torom mot. Gong mot dumano ru iau, ra a kis una karabus. A marmaris anun o God in kis tomo nam mot.

Kolosi 4:18 ပူးပေါင်းရင်းမြစ်များ

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

A Pas anun o Pol torom a taro Rom 16:22

Iau kai, o Tertius, ra a tumus a kum wasiso anun o Pol una pas ri, a pitar anung a marmaris torom mot nama risan a Labino.

A Pas anun o Pol torom a taro Rom 16:23

O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.

1 Korin 16:21

Anung a nat na wasiso na marmaris ri, iau ut, o Pol, a tumusi torom mot nama lamang.

2 Korin 13:14

A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

2 Tesalonaika 3:17

Anung a wasiso na marmaris ri, iau ut o Pol, a tumusi torom mot, nama lamang. Iri a ukinalong in anung a kum pas rop. A ser tumtumus ut lenri.

1 Timoti 6:21

A ramano taro det watungi lena det tasmani ut a mananos ra, ra det sa wan gisen gusun a nurnur un o Iesu. A marmaris anun o God torom mot.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

2 Timoti 4:22

A Labino in kis una niom. A marmaris anun o God in kis torom mot.

Taitus 3:15

Det rop ra det kis tomo nam iau, det pitar anundet a marmaris torom ui. Un pitar anumet a marmaris torom a kum paspasa met una nurnur. A marmaris anun o God in kis torom mot rop.

Ibru 13:25

A marmaris anun o God in kis torom mot rop.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.