Kolosi 3:8 - Nupela Testamen long tokples Kandas

⁸ Ikut uniri, mot in lakro ru a kum petutna rop lenri: a wasiso na engaras, a kankan, a kum sakino petutna, a emang, ma a wasiso laulau kai.

Kolosi 3:8 ပူးပေါင်းရင်းမြစ်များ

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

A Wakak na Wasiso un o Iesu Karisito o Mak i tumusi 7:22

a nemnem sur a susut na utna, a kum sakino petutna, a kum torotoro, a kum sakino nemnem na pinindi, a nuknuk laulau sur tu utna anun taio, a petutna ra di mang laulau ara, a petutna ra taio i ulabo pasi ut, ma a kum tuptup na petutna.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

Galesia 5:15

Ikut ra mot ukadik etetalai mot elar nama kum wewegua ra det karot etetalai det ma det wan etetalai det, mot in tumarong mot, sako mot in ban laulau rop ru mot.

Galesia 5:20

a lotu torom a kum torotoro na god, a sangsagor, a petutna ra di nget a taro, a engaras, a nuknuk laulau un taio, a kankan, a nemnem sur a kinkinis na labino, a kinkinis sarara ma a tapagol susuaro,

Galesia 5:26

Gong dat uman labino, gong dat ukatutur a balano sungun etetalai, ma gong dat nuknuk laulau etetalai sur tu utna anun taio.

Epeses 4:22

Di ususer mot sur mot in nan gusun a ngas na nilaun ra mot muri numugu. Mot in palos ru i elar namin turai na malu, uni i laulau ma i toro dat sur dat in mur a kum sakino nemnem.

Epeses 4:25

I mo ra mot in woro ru a torotoro, ma mot in watung a lingmulusino torom a kum paspasa mot, uni dat rop dat a kum du pinin o Karisito.

Epeses 4:26

Ra mot kankan, gong mot pam a sakino. Ma gong in matanas i sup ra anumot a kankan kura utmakai,

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

Epeses 5:4

Gong mot watung tu laulau na wasiso, o tu longlong na wasiso, ma gong mot urongon laulau nama kum sakino urongon. A kum wasiso ri ke wakak sur mot in watungi, ikut mot in watung wakak torom o God.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

Kolosi 3:9

Gong mot toro etetalai mot, uni mot sa rakon ru a kum sakino petutna ra numugu mot ser pami,

1 Timoti 1:13

Numugu a ser watung laulau o Iesu, a ban laulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Jems 2:7

O God i pitar tar a wakak na rising anun o Karisito torom mot. Ma osi ra i ser watung laulau a rising ri? A kum tene gongon kut.

1 Pita 2:1

I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 2:7

Ikut, i ulaun pas o Lot. I a tene tokodos, ra i los a labino maut una kum petutna na pamuk anun a taro na lakai warkurai.

A Pas anun o Jud 1:13

Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.

A Pas anun o Jud 1:8

A taro ra det sa ruk taru torom mot, det kai det sakino elar nam det ra. Det nurnur un asau ra det tama i una kum ririon. Una nurnur ra, det ban udur a pinindet melet ut nama kum sakino petutna, ka det nemi sur det in kis utuntudu ina warkurai anun o God, ma det watung laulau a kum ensel tagisapat netes.

Tamtama 16:9

Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.