Kolosi 3:25 - Nupela Testamen long tokples Kandas

²⁵ Osi ra i pam a sakino in los a warkurai na minabalu una sakino ra i pam tari. A warkurai anun a Labino i elar kut torom a taro rop.

Kolosi 3:25 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Luk 20:21

Ra det watungi lena, “Tene Ususer, met tasmani lena i tokodos anum a wasiso ma anum a etowo. A magiram i takai kut torom a taro rop, ma u ser ususer det una kisapi anun o God nama lingmulus.

Aposel 10:34

O Pita i watungi lena, “A tasman mulusi lena, a kum kamkabo taro rop det elar kut umatan o God.

A Pas anun o Pol torom a taro Rom 2:11

Uni, a warkurai anun o God, ke senene, i elar rop kut torom a taro rop.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Epeses 6:8

Uni mot sa tasmani lena a Labino in pitar a ikul torom a taro rop una kum wakak na pinapam ra det pami, det a kum tene ititula ma det kai ra awu sur a kum tene ititula.

Epeses 6:9

Ma mot a kum mugumugu, mot in pami lenkutkai ra torom anumot a kum tene ititula. Gong mot ungara det, uni mot sa tasmani lena ara Labino kut kusapat una langit, anundeti ma anumot kai. Ma a wakak na magirano awu sur torom ara taro kut, torom a taro rop.

Kolosi 4:1

Mot a kum mugumugu, mot in pam a tokodos na petutna torom anumot a kum tene ititula, ma a magiramot in elar kut torom det rop, uni mot tasmani lena, mot kai, anumot a mugumugu i a Labino, ra i kis sapat una langit.

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

2 Tesalonaika 1:6

O God i tokodos, ma in ukadik det ra det ukadik mot,

Pilimon 1:18

Ra i sa pam tar tu sakino torom ui, o i sa los pas anum tu utna, iau mukut an balu i.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

A Pas anun o Jud 1:16

A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nama nundet a kum namnamin na wasiso, sur det in los tu utna gusun det.