Kolosi 3:15 - Nupela Testamen long tokples Kandas

¹⁵ I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

Kolosi 3:15 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

A Pas anun o Pol torom a taro Rom 1:21

Det tasmani ut o God, ikut ka det ulabo pasi lenri, i a God, ma ka det watung wakak kai toromi. Det nuk penpen oros kut, ma a balandet i dumirum, uni kalako mananosin det.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 5:1

Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

1 Korin 10:17

Teken beret kut. Dat susut, ikut, dat ara pinindat uni dat wangon tagun in teken beret kut.

1 Korin 7:15

Ikut, ra aru suano ra tu pasander ra ke nurnur i nem na wan gusun ara pasander, madek ru i in nan. Ra in nan, anun a musano o anun a ino, ra i tene nurnur, in langolango gusun anunder a kinkinis na nolin. Uni o God i sa kabo pas dat sur dat in kis na malmal.

2 Korin 4:15

A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.

2 Korin 9:11

O God in tabor mot nama kum utna rop, sur mot kai mot in ser tabor a taro gisen. Ra mot in pami lenra, a susut na taro det in watung wakak torom o God una numot a etabor, ra met in pitari tandet.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 4:4

Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami.

Epeses 5:1

Mot in laun elar nama nilaun anun o God, uni mot a kum nutnutun o God, ma i maris doko mot.

Epeses 5:20

Ma una kum bung rop, mot in watung wakak una kum utna rop torom o God a Tamandat, nama risan anundat a Labino o Iesu Karisito.

Kolosi 1:12

ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor.

Kolosi 2:7

Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

1 Tesalonaika 5:18

Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

1 Timoti 2:1

A mugano utna, a nemi sur a taro na nurnur det in wararing, nama niaring sur a utna det sibo suri, a niaring sur a taro, ma a niaring na watung wakak torom o God. Mot in wararing lenra sur a taro rop,

1 Timoti 6:12

Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro.

Ibru 13:15

I mo ra, una kum bung rop dat in watung ulabo pas o God, una risan o Iesu. A wasiso na ulabo ra, in elar nama etabor ra dat pitari torom o God, ra a wandat i upuaso a risano.

Tamtama 7:12

det watungi lena, “Amen! Din watung ulabo pas anundat a God, din watung wakak toromi, ma din ru i. I utur ukai a minamar, a mananos, ma a dekdek, ken rop, ma ken rop. Amen!”