Kolosi 3:12 - Nupela Testamen long tokples Kandas

¹² Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

Kolosi 3:12 ပူးပေါင်းရင်းမြစ်များ

Matiu 24:22

Ra gunuk o God ken kutus pirso a kum bung ra, kataio ut in laun. Ikut in kutus pirso ru i sur det ra i sa pilok pas det, det in laun.

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

A Wakak na Wasiso un o Iesu Karisito o Mak i tumusi 13:20

Ra gunuk a Labino ken kutus pirso a kum bung ra, kataio ut in laun. Ikut in kutus pirso ru i sur det ra i sa pilok pas det, det in laun.

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

A Wakak na Wasiso un o Iesu Karisito o Mak i tumusi 13:27

Ma in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Luk 1:78

kibino una labino marmaris anun anundat a God. Ma una nun a marmaris, a talapor tagisapat netes in sisio pat torom dat.

Luk 18:7

Pepetlai, o God ken ukodos anun a taro na pipilok, ra det tangis toromi una kum waspi ma una kum mirum kai? Pepetlai, ken warut lakit det?

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

1 Korin 13:4

Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 1:4

Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Epeses 4:24

Ma mot in emar nama matok na nilaun ra o God i ukis tari elar ut nama malalarino, sur mot in mur a tokodos na petutna mulus, ma mot in nanpat a taro anun o God.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

Kolosi 3:10

ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi.

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

1 Jon 4:19

Dat nem etetalai dat, uni o God ut i nem mugu dat.

2 Jon 1:13

A kum nutnutun o tisim ino, ra o God i sa pilok pasi, det pitar anundet a marmaris torom ui.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”