Kolosi 3:11 - Nupela Testamen long tokples Kandas

¹¹ Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Kolosi 3:11 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

A Wakak na Wasiso un o Iesu Karisito o Jon i tumusi 15:5

“Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna.

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

Aposel 15:17

sur a taro gisen kai, a taro ra awu sur a taro Juda, det in nukpukus torom a Labino, det ra a sa kabo pas det sur anung. A Labino i sa watung tari lenri, i ra i pam a kum utna ri ra numugu i sa upuaso tari.’ Amo 9:11-12

Aposel 28:2

A taro tagitiro iai det maris doko met, ra det tagol tar a sungun ma det ben pas met rop, uni i bato ma i kotokoto doko.

Aposel 28:4

A taro tagitiro iai una ailan, det tama i lena in nusui i kete taru una laman o Pol, ra det wasiso etetalai torom det lena, “Kutiro, a musano ri, a tene um doko a taro. I sa laun sikot tagisa utasi, ikut o god na minabalu ke mulaot sur in laun.”

A Pas anun o Pol torom a taro Rom 1:14

Anung a pinapam utra, o God i pitar tari tang, sur an warawai torom a taro ra det tasman a wasiso Grik ma a taro ra ka det tasmani kai, torom a kum tene mananos ma det ra anundet a mananos ke labo.

A Pas anun o Pol torom a taro Rom 10:12

Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

A Pas anun o Pol torom a taro Rom 3:29

Pepetlai, o God i a God anun a taro Juda kut? Pepetlai, i a God anun a taro gisen utkai? Lingmulus, i a God anun a taro gisen utkai.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

1 Korin 14:11

Ra ka tasman a kukurai ina wasiso ra taio i wasiso nami torom iau, a elar kut nama usiro toromi, ma o naro kai ra i wasiso, i elar kut nama usiro torom iau.

1 Korin 7:19

A petutna ra di tok talilis a pinin taio, o ka di tok talilis a pinino, i a utna oros kut. Ikut a petutna ra taio in mur a kum warkurai anun o God, i ra i labo sakit.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Epeses 2:14

Uniri dat kis na malmal, kibino kut un o Karisito. I sa dat tomo pas met a taro Juda ma mot ra awu sur a taro Juda, sur dat in takai mukut. Numugu ka dat emarom, i elar namin noworo ra i kutus dat, ikut o Karisito i sa rege ru i.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Epeses 6:8

Uni mot sa tasmani lena a Labino in pitar a ikul torom a taro rop una kum wakak na pinapam ra det pami, det a kum tene ititula ma det kai ra awu sur a kum tene ititula.

Kolosi 2:10

Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

2 Jon 1:9

Osi ra i wan gisen pas gusun a kum etowo anun o Karisito ma ke muri, o God awu sur kura uni. Ikut osi ra i mur a kum etowo ri, a Tamandat ma o Nutunu kura der uni.