Kolosi 2:8 - Nupela Testamen long tokples Kandas

⁸ Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

Kolosi 2:8 ပူးပေါင်းရင်းမြစ်များ

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

Matiu 16:6

O Iesu i watungi tandet lena, “Mot in tumarong una is anun a kum Parisi ma a kum Sadusi.”

Matiu 7:15

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 17:32

Ra det longoro a wasiso una nilaun melet gusun a minat, ara taro tagun det, det urongon laulau uni, ikut ara taro kai det watungi lena, “Met nemi sur un wasiso melet torom met una utna ri.”

A Pas anun o Pol torom a taro Rom 16:17

A kum tistising, a saring mot sur mot in tumarong mot gusun a taro ra det ser pagol susuaro a taro na lotu, ma det watung a kum wasiso ra i turbat a kum etowo ra mot sa rakon pasi. Mot in nan gisen gusun det.

1 Korin 10:12

Ra taio i nuki lena i tur dekdek, in tumarong, sako in puku taru una sakino petutna.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

2 Korin 10:5

Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito.

Galesia 1:14

A tur dekdek una lotu Juda, ma anung a mananos una lotu i labo taun det rop ra anumet a kilalo i elar. A dekdek doko sur an mur wakak a kum petutna anun a taro Juda tagun numugu.

Galesia 4:3

Lenkutkai ra torom dat, numugu dat elar nama nat, dat elar nama kum tene ititula anun a kum laulau na nion taginin una rakrakon bual.

Galesia 4:9

Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det?

Galesia 5:15

Ikut ra mot ukadik etetalai mot elar nama kum wewegua ra det karot etetalai det ma det wan etetalai det, mot in tumarong mot, sako mot in ban laulau rop ru mot.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

Epeses 4:20

Ikut mot, ra di ususer tar mot un o Karisito, awu sur di ususer mot una kum petutna lenri.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Pilipai 3:2

Mot in tumarong mot gusun a kum ngalngalia na pap, a taro ra det ser pam a sakino, ma det tok laulau a pinpinin a taro, ma det ususer det lena, ra ka di tok talilis a pinindet, ka din ulaun det.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Kolosi 2:22

A kum warkurai ri i wasiso una kum utna ra dat papam pas nami, ra numur ka det gas mo un tu utna, uni a kum warkurai ri det wanpat tagun a kum etowo kut anun a taro.

Kolosi 2:23

A lingmulus ut, a kum warkurai ri, det tamtama elar nami ra det tagun a wakak na mananos, uni a taro ra det ser mur det, det dekdek una lotu, ma det ser unatino pas det, ma det ser warkurai bat a pinindet. Ikut ka det pet lar pasi sur det in turbat a laulau na nemnem ina pinindet.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

1 Pita 1:18

Mot sa tasmani lena o God i kul langolango pas mot gusun a kum ngasino oros kut, ra mot losi gusun a kum tamtama mot. Awu sur i kul langolango pas mot nama utna ra in rorom kut, elar nama silwa ma a gol.

2 Pita 3:17

Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni.

2 Jon 1:8

Mot in tumarong mot sur gong mot ubek ru asau ra mot sa dekdek pasi. Mot in tur dekdek sur mot in los pas anumot a kudulano ikul.