Kolosi 2:20 - Nupela Testamen long tokples Kandas

²⁰ Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Kolosi 2:20 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 15:19

Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot.

2 Korin 10:3

A lingmulus, met laun una rakrakon bual, ikut ka met waim elar nama ngas na inaim tagun a rakrakon bual.

Galesia 4:3

Lenkutkai ra torom dat, numugu dat elar nama nat, dat elar nama kum tene ititula anun a kum laulau na nion taginin una rakrakon bual.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Kolosi 2:14

Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus.

Kolosi 2:16

I mo ra, gong mot madek tar taio sur in takun mot lena, ka mot pam sot pas a kum warkurai un asau ra mot in nani ma mot in inumi, ma una kum lamlabino bung na lotu, ma una kalang ra i wanpat kibin, ma una Bung na Sabat.

Kolosi 2:21

“Gong mot pami! Gong mot wani! Gong mot tulani!”

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

Kolosi 3:3

Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.