Kolosi 2:14 - Nupela Testamen long tokples Kandas

¹⁴ Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus.

Kolosi 2:14 ပူးပေါင်းရင်းမြစ်များ

Luk 1:6

Der aru tene tokodos umatan o God, der mur wakak a kum Warkurai rop anun a Labino.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

2 Tesalonaika 2:7

A dekdekin a lakai warkurai kuri i sa papam eno nanan una rakrakon bual. Ikut, i ra i turbat tari, in turbati utmakai, tuk una bung ra din rakon ru i.

Ibru 7:18

I mo ra, di sa rakon ru a mugano warkurai ra i wasiso una kum tene etabor, uni a warkurai ra, kalako dekdekino ma katu utna i gas uni.

Ibru 8:13

Ra o God i watung a kunubus ri “a matok na kunubus,” i talapor lena a mugano kunubus i sa turai. Ma asau ra i turai ma i sa suano i, milau sur in rorom.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.