Kolosi 2:13 - Nupela Testamen long tokples Kandas

¹³ Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

Kolosi 2:13 ပူးပေါင်းရင်းမြစ်များ

Luk 15:24

Uni o nutunglik ri i sa mat, ma uniri i sa laun melet, i raro pas ma uniri i sa wanpat melet.’ Ra a lukaro i turpasi.

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 9:60

Ikut o Iesu i watungi tano, “Un madek ru a kum minat det in por anundet a kum minat. Ikut ui, un nan ma un warawai nama matanitu anun o God.”

A Wakak na Wasiso un o Iesu Karisito o Jon i tumusi 5:21

O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.

A Wakak na Wasiso un o Iesu Karisito o Jon i tumusi 6:63

A Nion, i ra i pitar a nilaun. A dekdekin a pinin a musano, katu utna i gas uni. A kum wasiso ra a watungi tamot, i a nion ma i pitar a nilaun.

A Pas anun o Pol torom a taro Rom 4:17

Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Stat 17:5 Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

1 Korin 15:36

Ui a longlong! Ra u marut a pitino duwai, ra ken mat pas, ken laun.

1 Korin 15:45

Elar nami ra di sa tumus tari una Buk Tabu lenri, “A mugano musano, o Adam, o God i pitar tar a nilaun toromi.” Stat 2:7 Ikut a ururop na Adam, i a Nion ra i tabor a taro nama nilaun.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

Epeses 2:1

Numugu a niomot i mat, uni mot lakai a warkurai ma mot pam a kum sakino petutna.

Epeses 2:11

Mot in nuk pasi, di usus mot awu sur mot a taro Juda. Ma a taro Juda det ser tok talilis a pinindet, elar nama ukinalong lena det anun o God. A petutna ra det pami nama lamandet. Ma numugu det watung mot lena awu sur mot anun o God, uni ka di tok talilis mot.

Epeses 5:14

Uni a talapor in utalapor a kum utna, ra din tama lele det. I mo ra di watungi lenri, “Ui a tene ininep, un tuangun, ma un katutur melet gusun a minat, ma o Karisito in utalapor ui.”

Kolosi 2:12

Ra di baptaiso mot, di por mot tomo nam o Karisito. Ma mot katutur melet tomo nami, uni mot nurnur una dekdekin o God, i ra i ukatutur melet pas o Karisito gusun a minat.

1 Timoti 5:6

Ikut, a ula, ra i nemi sur in gasgas oros kut, i laun, ikut a niono i sa mat.

1 Timoti 6:13

A inanos ui umatan o God, i ra i pitar a nilaun torom a kum utna rop, ma umatan o Karisito Iesu i ra i wasiso talapor uni ut umatan o Pontias Pailat. A inanos ui lenri:

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

Jems 2:17

Lenkutkai lar a nurnur, ra ke wan tomo nam tu wakak na pinapam, a nurnur ra, a minatino kut.

Jems 2:20

Ui a longlong ui! A nurnur ra katu wakak na pinapam tomo nami, i utna oros kut. Pepetlai, u nemi sur an upuaso a wasiso ra tam?

Jems 2:26

Taio ra a niono i wan gusuni, i a minatino. Lenkutkai lar a nurnur, ra ke wan tomo nam lako wakak na pinapam, a nurnur ra, a minatino kut.

1 Jon 2:12

A tumtumus torom mot a kum nutnutung liklik, uni di sa unus ru anumot a kum sakino petutna una minatin o Karisito.