Kolosi 2:1 - Nupela Testamen long tokples Kandas

¹ A nemi sur mot in tasmani lena, a papam dekdek sur mot, ma sur a taro Laodisia, ma sur det rop kai, ra ka etorom det utmakai.

Kolosi 2:1 ပူးပေါင်းရင်းမြစ်များ

Luk 22:44

I taramo a dekdek na tupunuk, ra i dekdek doko nama niaring. Ma a misongot na pinino i elar nama tutu na gap i puku pirso utiro upiso.]

Aposel 20:25

“A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo.

Aposel 20:38

Ma a taro det tupunuk doko, uni i sa inanos tar det lena ka det in tamtama tomo melet mo. Ra numur det wan tulu ru i sur in kas una sip.

Galesia 4:19

A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito.

Pilipai 1:30

Mot taramo a mamaut uni mot sa tur tomo nam iau una inaim. A inaim ra numugu mot tama i ra a pami, ma uniri mot longoro i ra a ser pami utmakai.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

Kolosi 2:5

A lingmulus, a kis gisen gusun mot una pining, ikut una niong a kis tomo ut nam mot, ma a gas ra a tama i lena, mot warkurai kodos anumot a nilaun, ma mot tur dekdek una numot a nurnur un o Karisito.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”