Kolosi 1:28 - Nupela Testamen long tokples Kandas

²⁸ Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Kolosi 1:28 ပူးပေါင်းရင်းမြစ်များ

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Matiu 3:7

O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.

Matiu 5:48

I mo ra mot in tokodos mulus, elar nama Tamamot ra i kis sapat una langit, i tokodos mulus.”

A Wakak na Wasiso un o Iesu Karisito o Mak i tumusi 6:34

Ra det sot, o Iesu i tama a labino kunur na taro. I maris doko det, uni det elar mukut nama kum sipsip ra katu tene tamtamabat anundet. Ra i turpas a towo det nama susut na utna.

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 13:38

“I mo ra a kum tistising, a inanos mot sur mot in tasmani lena, un o Iesu, din unus ru anumot a kum sakino petutna. A Warkurai anun o Moses ken pet lar pasi sur in unus ru anumot a kum sakino petutna, sur din watung mot a kum tene tokodos.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 17:3

I watung palosi ma i upuaso i lena, i sot ut sur a Karisito in los a ngunungut ma in mat ma in katutur melet gusun a minat. Ma i watungi kai lena, “O Iesu ri a inanos mot nami, i ut a Karisito ra o God i tulu ru i urin.”

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

Aposel 3:20

sur mot in taramo a wakak na nilaun ra a Labino in pitari. Ma in tulu ru a Karisito torom mot, o Iesu i ra o God i sa pilok pasi.

Aposel 5:42

Ra una kum bung rop ubalan in noworo ina rumu na etabor, ma una nundet a kum rumu kai, ka det mana nama etowo ma a warawai nama Wakak na Wasiso lena o Iesu i a Karisito mulus.

Aposel 8:35

Ra o Pilip i turpas a papalos toromi. I inanosi una Wakak na Wasiso un o Iesu, turpasi ut una buk ra a te Itiopia i luki.

Aposel 8:5

O Pilip i wan utiro una labino tamon tong una papor Samaria, ma i warawai un o Karisito torom det.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 15:12

Ra di warawai un o Karisito ra o God i ukatutur melet pasi gusun a minat, sur asau ra ara taro kura epotor tamot det watungi lena kalako katkatutur melet gusun a minat?

1 Korin 2:15

Osi ra a Tokodos na Nion kura uni, in tasman lele a kum utna rop ra i wakak o ke wakak. Ikut, kataio in pet lar pasi sur in warkurai a musano ra Tokodos na Nion kura uni.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

1 Korin 4:14

Ka tumus a kum wasiso ri sur an ban umaimai mot nami. A tumusi sur an ukodos mot, uni mot elar nama kum nutnutung ra a nem doko mot.

2 Korin 10:14

Ka met warango pas met un tu pinapam ra ka met pam tari, uni met wanpat ut torom mot nama Wakak na Wasiso un o Karisito.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

Epeses 5:27

I pami lenri sur in ben pas anun a taro toromi, elar nam anun a wakak na ino ra katu dur uni, ma kalako karkar uni, ma katu sakino utna uni. In tokodos ma katu etakun in losi.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

Kolosi 2:10

Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai.

Kolosi 2:3

A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

Ibru 10:14

Uni, una ra etabor takai kut, i sa utokodos tukum pas a taro anun o God, det ra i ser gos talapor det.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.