Kolosi 1:17 - Nupela Testamen long tokples Kandas

¹⁷ Ra o God ke ukisi utmakai a kum utna rop, o Karisito i sa laun, ma i pam ukai a kum utna rop sur det in papam tomo wakak.

Kolosi 1:17 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Wakak na Wasiso un o Iesu Karisito o Jon i tumusi 8:58

O Iesu i balu det lena, “A inanos mot nama lingmulus, numugu ra ka di usus utmakai o Abaram, iau a sa kis mugu taru.”

Aposel 17:28

Elar nami ra di sa watung tari lena, ‘Dat laun, dat wan tuptupukus, ma dat utur ukai a nilaun, i kibino ut tan o God.’ Elar nama numot a kum tene pak kelekele ra det watungi lena, ‘Dat kai a kum nutnutunu ut.’

1 Korin 8:6

Ikut, dat tasmani lena ara God kut, a Tamandat, i ra a kibin a kum utna rop, ma i ra dat laun suri. Ma dat tasmani lena ara Labino kut, i o Iesu Karisito, i ra i ukis a kum utna rop, ma i pitar tar a nilaun torom dat.

Kolosi 1:15

O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 13:8

O Iesu Karisito ken senene. Numugu, ma uniri, ma numur ma ken rop, o Iesu Karisito i elar kut.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:17

Ra a tama i, a puku pirso taru nisan a aru kikino elar nama minat. Numur i ubek tar a sot na lamano sapat netes un iau, ra i watungi lena, “Gong u ngara, iau a mugano ma a ururopino.

Tamtama 1:8

A Labino o God i watungi lena, “Iau a Alpa ma a Omega, ra a laun numugu, a laun uniri ma numur an nanpat, ma a dekdek sakit.”

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri: