Kolosi 1:16 - Nupela Testamen long tokples Kandas

¹⁶ Uni o God i ukis tar a kum utna rop una dekdekin o Karisito: a kum utna sapat una langit ma a kum utna nin upiso, a kum utna ra di ser tama det ma a kum utna ra ka di ser tama det, lenri, a kum nion ra det kiskis na labino, a kum nion ra det utur ukai a dekdek, a kum nion ra det mugumugu, ma a kum nion ra det utur ukai a warkurai. Un o Karisito, o God i ukis a kum utna rop, ma i ukis det sur det anun o Karisito.

Kolosi 1:16 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:10

A Wasiso i kis una rakrakon bual. Ma una Wasiso, o God i ukis a rakrakon bual, ikut a taro una rakrakon bual ka det tama lele pasi.

A Wakak na Wasiso un o Iesu Karisito o Jon i tumusi 1:3

Una Wasiso kut, o God i ukis a kum utna rop. Katu utna o God i ukis tari, ra ke ukisi nama Wasiso.

A Pas anun o Pol torom a taro Rom 11:36

Uni i ut i ukis a kum utna rop, ma i ut i kibin a kum utna rop, ma anunu ut a kum utna rop. Dat in watung ulabo pas o God, ken rop ma ken rop. Amen.

A Pas anun o Pol torom a taro Rom 8:38

Uni a tasmani ut lena, katu utna in ukis susuaro dat gusun a marmaris anun o God: A minat, a nilaun, a kum ensel, a kum laulau na nion, tu ngas na utna in nanpat uniri o numur, a kum sangsagor,

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

1 Korin 8:6

Ikut, dat tasmani lena ara God kut, a Tamandat, i ra a kibin a kum utna rop, ma i ra dat laun suri. Ma dat tasmani lena ara Labino kut, i o Iesu Karisito, i ra i ukis a kum utna rop, ma i pitar tar a nilaun torom dat.

Epeses 1:10

Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.

Epeses 6:12

Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.

Pilipai 2:10

sur a kum ukukis rop sapat netes una langit ma una rakrakon bual ma utuntudu ina rakrakon bual, det in kis butkeke una risan o Iesu,

Kolosi 1:15

O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop.

Kolosi 1:20

Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.

Kolosi 2:10

Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai.

Kolosi 2:15

O God i sa rakon ru a dekdekin a kum nion ra det utur ukai a dekdek ma a kum nion ra det utur ukai a warkurai. Ma unin nanai kutus i ban umaimai det umatan a taro rop, uni i ese i lena, i sa winim rop pas det.

Ibru 1:2

Ikut una kum ururop na bung ri, i wasiso torom dat nama wan o Nutunu. O Nutunu ra i pilok pasi sur in los a kum utna rop anun o God. Ma una laman o Nutunu, o God i ukis a rakrakon bual rop.

Ibru 2:10

O God i ukis tar a kum utna rop suri ut, ma i nemi sur in ben pas a susut na nutnutunu sur det in rakon pas a minamar. I mo ra i tokodos sur in mulaot tar o Iesu sur in taramo a ngunungut, sur in papos a kisapi sur o God in ulaun pas det.

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.