A Wakak na Wasiso un o Iesu Karisito o Jon i tumusi 9:24 - Nupela Testamen long tokples Kandas

²⁴ Det ben melet pas a musano ra di usus pasi, i sa pulu, ma det watungi tano lena, “Un liliman umatan o God ra anum a wasiso i lingmulus ut! Met tasmani lena a musano ra i utamtama pas ui, a tene sakino.”

A Wakak na Wasiso un o Iesu Karisito o Jon i tumusi 9:24 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 15:27

Det sak wat tari kai, aru tene wolong tomo nami una arin nanai kutus, ara una papor sot, ma ara kai una kair.

Luk 15:2

Ikut a kum Parisi ma a kum tene ususer tagun a Warkurai det ururai un o Iesu lena, “A musano ri, i lason kut tomo nama kum tene sakino, ma i wangon tomo nam det.”

Luk 19:7

A taro rop det tama i, ra det ururai uni lena, “A musano ri i wan sur in kis tomo nama tene sakino una nun a rumu.”

Luk 7:39

A Parisi ra i ben pas o Iesu i tama a utna ri, i nuki lena, “Ra a musano ri a poropet mulus, in tasman a ino ri ra i pam aru kikino, ma in tasmani kai a magirano, lena i a sakino ino.”

A Wakak na Wasiso un o Iesu Karisito o Jon i tumusi 14:30

“Kan wasiso liklik mo torom mot, uni a labino taginin una rakrakon bual milau mo in nanpat. Kalako dekdekino sur in winim pas iau nami,

A Wakak na Wasiso un o Iesu Karisito o Jon i tumusi 16:2

Det in turbat mot gusun a kum rumu na lotu. Numur a du bung in nanpat, ra a taro ra det um doko mot, det in nuki lena det pami ut a pinapam anun o God.

A Wakak na Wasiso un o Iesu Karisito o Jon i tumusi 18:30

Ma det balu i lena, “Gunuk ra a musano ri ken pam tu niraro, ka met in pitari torom ui sur un warkurai i.”

A Wakak na Wasiso un o Iesu Karisito o Jon i tumusi 19:6

Ra a kum lamlabino tene etabor torom o God, ma a kum tene tamtamabat tagun a rumu na etabor det tama o Iesu, det kukukuk lena, “Sak wati unin nanai kutus! Sak wati unin nanai kutus!” Ra o Pailat i watungi tandet lena, “Mot in ben pasi, sur mot ut, mot in sak wati unin nanai kutus. Iau ka sio pas tu niraro anunu.”

A Wakak na Wasiso un o Iesu Karisito o Jon i tumusi 5:23

sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.

A Wakak na Wasiso un o Iesu Karisito o Jon i tumusi 8:46

Osi tagun mot in takun sot pas iau un tu sakino petutna? A watung a lingmulus, ra ilai ra ka mot nurnur un iau?

A Wakak na Wasiso un o Iesu Karisito o Jon i tumusi 8:49

Ra o Iesu i balu det lena, “Katu laulau na nion kuri un iau. A urur torom o Tita, ma mot, ka mot urur torom iau.

A Wakak na Wasiso un o Iesu Karisito o Jon i tumusi 9:16

A ramano kum Parisi det watungi lena, “A musano ra i pam a utna ri, i awu sur tagun o God, uni i papam una Bung na Sabat.” A ramano kai det watungi lena, “Ra a musano ri a sakino musano, in pam petlan a kum utna na ukisin ri?” Ra a nuknukin det ke takai uni.

A Wakak na Wasiso un o Iesu Karisito o Jon i tumusi 9:25

I balu det lena, “Ka tasmani ra i a tene sakino, o awu. Ara utna kut ra a tasmani: Numugu a pulu, ma uniri a sa tamtama.”

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.