A Wakak na Wasiso un o Iesu Karisito o Jon i tumusi 8:24 - Nupela Testamen long tokples Kandas

²⁴ Iri a kibino ra a watungi tamot lena, mot in mat nam anumot a kum sakino petutna. Ra ka mot nurnur un iau lena iau ut ri iau, mot in mat nam anumot a kum sakino petutna.”

A Wakak na Wasiso un o Iesu Karisito o Jon i tumusi 8:24 ပူးပေါင်းရင်းမြစ်များ

Matiu 24:5

Uni a susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro.

A Wakak na Wasiso un o Iesu Karisito o Mak i tumusi 13:6

A susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro.

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

A Wakak na Wasiso un o Iesu Karisito o Jon i tumusi 13:19

A inanos mugu tar mot una utna ri ra in nanpat. Ra in nanpat, mot in nurnur lena, iau a Karisito.

A Wakak na Wasiso un o Iesu Karisito o Jon i tumusi 3:18

Osi ra i nurnur uni, ka din pitar a warkurai na minabalu toromi. Ikut, osi ra ke nurnur, i sa tur una dekdek na warkurai na minabalu uni ke nurnur un ara Nutun o God sot kut.

A Wakak na Wasiso un o Iesu Karisito o Jon i tumusi 3:36

Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”

A Wakak na Wasiso un o Iesu Karisito o Jon i tumusi 4:26

Ma o Iesu i balu i lena, “Iau ut ri, a wasiso torom ui.”

A Wakak na Wasiso un o Iesu Karisito o Jon i tumusi 8:21

O Iesu i watung meleti tan a taro lena, “An nan gusun mot, mot in sisio sur iau, ma mot in mat nam anumot a kum sakino petutna. A tamon ra an nan suri, ka mot in nan lar pas iai.”

A Wakak na Wasiso un o Iesu Karisito o Jon i tumusi 8:25

Ma det tingi lena, “Osi ui?” O Iesu i balu det, “A sa inanos tar mot turpasi una turturkibin ina nung a pinapam, tuk uniri.

A Wakak na Wasiso un o Iesu Karisito o Jon i tumusi 8:28

Ma o Iesu i watungi lena, “Ra mot in utur toto a Nutun a Musano usapat netes, mot in tasmani lena iau ut ri iau, ma mot in tasmani kai lena awu sur iau sot kut a papam, o Tita i ususer iau un asau ra a watungi.

A Wakak na Wasiso un o Iesu Karisito o Jon i tumusi 8:58

O Iesu i balu det lena, “A inanos mot nama lingmulus, numugu ra ka di usus utmakai o Abaram, iau a sa kis mugu taru.”

Aposel 4:12

Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.”

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.