A Wakak na Wasiso un o Iesu Karisito o Jon i tumusi 21:15 - Nupela Testamen long tokples Kandas

¹⁵ Ra det sa wangon rop, o Iesu i watungi tan o Saimon Pita lena, “Saimon, nutun o Jon, pepetlai, u nem doko iau taun det ri?” I balu i lena, “Lingmulus, Labino, u tasmani lena a nem ui.” O Iesu i watungi tano lena, “Un tabor anung a kum nat na sipsip.”

A Wakak na Wasiso un o Iesu Karisito o Jon i tumusi 21:15 ပူးပေါင်းရင်းမြစ်များ

Matiu 10:37

“Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik.

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 26:33

O Pita i watungi tano lena, “Ra det rop det in nan pas gusun ui, ikut iau awu.”

Matiu 26:35

O Pita i watungi tano lena, “Kan ipul ru ui. Ra iau kai an iru tomo nam ui, i wakak kut.” Ma a kum nat na ususer rop kai det watungi lenutra.

A Wakak na Wasiso un o Iesu Karisito o Mak i tumusi 14:29

O Pita i watungi tano lena, “Ra det rop det in nan pas gusun ui, ikut iau awu.”

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

A Wakak na Wasiso un o Iesu Karisito o Jon i tumusi 1:42

O Endru i ben pas o Saimon torom o Iesu. O Iesu i tama i, ra i watungi tano lena, “Ui o Saimon, a nutun o Jon, din watung ui nam o Kepas.” (Una wasiso Grik di watungi nam o Pita, a kukuraino a wat.)

A Wakak na Wasiso un o Iesu Karisito o Jon i tumusi 13:37

O Pita i tingi lena, “Labino, sur asau ra kan mur ui uniri? Ka ngara ra an mat bat ui.”

A Wakak na Wasiso un o Iesu Karisito o Jon i tumusi 16:27

uni o Tita ut i nem mot. I nem mot uni mot nem iau, ma mot nurnur lena a wan tagisapat tan o God.

A Wakak na Wasiso un o Iesu Karisito o Jon i tumusi 21:12

O Iesu i watungi tandet lena, “Mot wan urin ma mot in nangon.” Kataio tagun anun a kum nat na ususer i pet lar pasi sur in tingi lena, “Ui osi?” Det sa tasmani lena i a Labino ut ra.

A Wakak na Wasiso un o Iesu Karisito o Jon i tumusi 21:7

A nat na ususer ra o Iesu i ser nem doko i, i watungi tan o Pita lena, “A Labino ut nago!” O Saimon Pita i longoro i lena a Labino ut nago, ra i pipis melet pas in namalu ra i palos tari ra i woro a uben, ma i sirok losop utiro utasi.

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 20:29

A tasmani lena, ra an nan gusun mot, lako taro elar nama kum lomlom na pap ra det ngalngalia, det in ruk torom mot, ma det in ban laulau a kum sipsip.

A Pas anun o Pol torom a taro Rom 14:1

Mot in gas pas taio ra ke dekdek anun a nurnur, ma gong mot tama pisopiso i. Gong mot engaras una kum utna ra ke talapor toromi.

A Pas anun o Pol torom a taro Rom 15:1

Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut.

1 Korin 8:11

Anum a mananos in ban laulau a musano ra anun a nurnur ke dekdek. A musano ra, a tisindat ra o Karisito i mat suri.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Epeses 6:24

A marmaris torom det rop ra det nem anundat a Labino o Iesu Karisito nama marmaris ra ken rop.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 4:13

Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

1 Pita 2:2

Mot in nem doko a utna na nion ra katu dur uni, sur mot in lubung nami, tuk ra mot in dekdek una matok na nilaun. Mot in nem doko a utna na nion, elar nama kum nat miso det nem doko a polono sus.

1 Pita 2:25

Uni numugu mot elar nama kum sipsip ra det wan raro, ikut uniri mot sa milet melet torom anumot a Tene Tamtamabat anun a kum sipsip, a Tene Tamtamabat una niomot.

1 Jon 4:19

Dat nem etetalai dat, uni o God ut i nem mugu dat.

1 Jon 5:1

Det rop ra det nurnur un o Iesu lena i a Karisito, det a kum nutnutun o God. Ma det rop ra det nem o Tamano, det nemi utkai a kum nutnutunu.

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.