A Wakak na Wasiso un o Iesu Karisito o Jon i tumusi 19:39 - Nupela Testamen long tokples Kandas

³⁹ O Nikodimas, i ra numugu i wan torom o Iesu una ara bung na mirum, i kai i wanpat. I los pas ara utna ra i sangnain wakak, ra di pami tagun a mira ma a alo. A maut inder i elar nama tulu noino na kilogrem.

A Wakak na Wasiso un o Iesu Karisito o Jon i tumusi 19:39 ပူးပေါင်းရင်းမြစ်များ

Matiu 12:20

Ken pak in nere ra i tulukun, ma ken wup doko a lam ra ke kunabor wakak. In pami lenra tuk ra a tokodos na warkurai in winim pas a sakino.

Matiu 19:30

Ikut a susut ra det mugu uniri, numur det in mur, ma det ra det mur uniri, numur det in mugu.”

Matiu 2:11

Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira.

A Wakak na Wasiso un o Iesu Karisito o Mak i tumusi 16:1

Ra a Bung na Sabat i sa rop, o Maria Magdalen, ma o Salomi ma o Maria o nan o Jems, detul kul pas a kum utna ra i sangsangnain sur detul in mar a minatin o Iesu nami.

A Wakak na Wasiso un o Iesu Karisito o Jon i tumusi 12:3

Ra o Maria i los pas in nokoto na polo sangsangnain ra di watungi nama nad, ma a matano i ka doko. I lingisi una ru kikin o Iesu ma i wus der nama iwu na lorino. Ma a sangnainino, i ubukus pas a rumu ra.

A Wakak na Wasiso un o Iesu Karisito o Jon i tumusi 12:7

O Iesu i longoro a wasiso anun o Judas, ra i watungi lena, “Madek ru a ino ri, uni i sa pam tar a pinapam ri un iau sur a bung ra an mat ma din uruk a minating una kulam na minat.