A Wakak na Wasiso un o Iesu Karisito o Jon i tumusi 12:48 - Nupela Testamen long tokples Kandas

⁴⁸ Osi ra ke nem iau ma ke mur anung a kum wasiso, anung a kum wasiso ut ra, det in warkurai i una bung na warkurai.

A Wakak na Wasiso un o Iesu Karisito o Jon i tumusi 12:48 ပူးပေါင်းရင်းမြစ်များ

Matiu 10:15

A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.

Matiu 21:42

O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’ Sng 118:22-23

Matiu 25:31

“A Nutun a Musano in nanpat nama nun a minamar, tomo nama nun a kum ensel, ra in kis una nun a kiskis na king. A kiskis ra a labino minamarino.

A Wakak na Wasiso un o Iesu Karisito o Mak i tumusi 12:10

Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

A Wakak na Wasiso un o Iesu Karisito o Mak i tumusi 8:31

O Iesu i turpasi sur in towo anun a kum nat na ususer lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

Luk 10:16

“Osi ra in longoro mot, i longoro iau ut. Ma osi ra in rosumur gusun mot, i rosumur gusun iau utkai. Ma osi ra i rosumur gusun iau, i rosumur utkai gusun o naro ra i tulu ru iau urin.”

Luk 17:25

Ikut a Nutun a Musano in taramo mugu a susut na ngunungut, ma a taro tagun uniri det in rosumur gusuni.

Luk 20:17

Ikut o Iesu i nas det, ra i watungi lena, “Asau mo a kukurai ina wasiso ri ra di sa tumus tari una Buk Tabu? ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.’ Sng 118:22

Luk 7:30

Ikut a kum Parisi ma a kum tene ususer tagun a Warkurai det rosumur gusun a kisapi ra o God i pitari torom det, uni ka det los a baptais anun o Jon.

Luk 9:22

O Iesu i watungi lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

Luk 9:26

Osi ra in maimai un iau ma una nung a kum wasiso, a Nutun a Musano kai in maimai uni, ra in nanpat tomo nama nun a minamar, ma a minamar anun o Tamano ma anun a kum ensel anun o God.

A Wakak na Wasiso un o Iesu Karisito o Jon i tumusi 11:24

O Mata i balu i lena, “A tasmani lena in laun melet una bung ra o God in ukatutur melet pas a taro gusun a minat.”

A Wakak na Wasiso un o Iesu Karisito o Jon i tumusi 5:45

Gong mot nuki lena iau an takun mot torom o Tita, awu. O Moses ra mot nurnur uni lena in warut mot, i ut in takun mot.

A Wakak na Wasiso un o Iesu Karisito o Jon i tumusi 6:39

Ra iri a nemnem anun o Tita, i ra i tulu ru iau urin, lena, gong taio tagun det ra i sa pitar tar det tang in iru. An ukatutur pas det rop melet gusun a minat una bung na warkurai.

A Wakak na Wasiso un o Iesu Karisito o Jon i tumusi 8:47

Osi ra anun o God, i ser longoro a kum wasiso anun o God. Ikut mot, ka mot longoro i, uni awu sur mot anun o God.”

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

Aposel 3:23

Ma osi det ra ka det longoro a poropet ra, din um doko ru det, ra awu mo sur det a taro anun o God.’ Lo 18:15, 18-19

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

2 Korin 4:3

Ma a Wakak na Wasiso ri, ra met ser wasiso puaso uni, ra in parau, in parau kut torom det ra det wan sur a iniru.

2 Tesalonaika 1:8

In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

1 Pita 1:5

Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.

2 Pita 3:3

A labino utna sakit, mot in tasmani lena, una kum ururop na bung, a taro na urongon det in nanpat ra det in muri kut a kum sakino nemnem. Det in urongon laulau,

2 Pita 3:7

O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.