A Wakak na Wasiso un o Iesu Karisito o Jon i tumusi 12:13 - Nupela Testamen long tokples Kandas

¹³ Ra det los pas a kum dono baibai ma det wan sur det in barato o Iesu nami. Ra det kukukuk lena, “Osana! O naro ra i wanpat nama risan a Labino i dan! Sng 118:25-26 A king anun a taro Israel i dan!”

A Wakak na Wasiso un o Iesu Karisito o Jon i tumusi 12:13 ပူးပေါင်းရင်းမြစ်များ

Matiu 23:39

A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’” Sng 118:26

Matiu 27:42

“I ulaun pas a taro gisen, ikut ken ulaun lar pasi ut. Ra i a King anun a taro Israel, uniutri in pirso gusun in nanai kutus ma dat in nurnur uni.

A Wakak na Wasiso un o Iesu Karisito o Jon i tumusi 1:49

O Natanael i watungi tano lena, “Tene Ususer, ui a Nutun o God, ui a King anun a taro Israel.”

A Wakak na Wasiso un o Iesu Karisito o Jon i tumusi 12:14

O Iesu i sio pas a dongki, ra i kis taru netes uni, elar nama Buk Tabu i sa watung tari uni lena,

A Wakak na Wasiso un o Iesu Karisito o Jon i tumusi 12:15

“A taro Saion, gong mot ngara. Tama i, anumot a king i mo ra pat i wan nanan torom mot, i kis una barman na dongki.” Sek 9:9

A Wakak na Wasiso un o Iesu Karisito o Jon i tumusi 19:15

A taro Juda det kukukuk dekdek lena, “Sak doko i! Sak doko i! Sak wati unin nanai kutus!” O Pailat i ting det lena, “Mot nemi sur an sak wat anumot a king unin nanai kutus?” A kum lamlabino tene etabor torom o God det balu i lena, “A Sisa sot kut i anumet a king!”

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 19:16

Ma una nun in namalu ma una balangot na kikino di sa tumus tar a risano lenri, a king anun a kum king ma a labino anun a kum lamlabino.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.