Galesia 6:9 - Nupela Testamen long tokples Kandas

⁹ Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Galesia 6:9 ပူးပေါင်းရင်းမြစ်များ

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 24:13

Ikut osi ra in tur dekdek tuk anun a nilaun in rop, o God in ulauni.

Matiu 25:17

Lenkutkai ra torom o naro ra di pitar tar aru arip na mani tano, i ulabo melet pas aru arip taguni.

Matiu 9:19

Ra o Iesu i katutur ra der wan, det tomo nam anun a kum nat na ususer.

A Wakak na Wasiso un o Iesu Karisito o Mak i tumusi 3:3

Ra o Iesu i inanos a musano ra a lamano i kong lena, “Un tur tiro numugu tan a taro rop.”

Luk 18:1

O Iesu i watung a wasiso elelar torom anun a kum nat na ususer sur in ese det lena, det in wararing bolbolos, ma gong a pinindet i ngoro.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 4:16

Iri a kibino ra ka met tusako. I kis pirso nanan a pinimet, ikut di umatok a niomet una kum bung rop.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

2 Tesalonaika 3:13

Ma torom mot, a kum tistisi metul, gong a pinimot i ngoro nama pam a kum tokodos na petutna.

Ibru 12:3

Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako.

Ibru 12:5

Mot sa dumano ru a kum wasiso na ururagot ra o God i watung tari torom mot a kum nutnutunu lena, “Nutunglik, ra a Labino i ukodos ui, gong u nuki lena a utna oros kut, ma gong u tusako, ra i watung puaso anum a kum sakino petutna torom ui.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Jems 5:7

A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

1 Pita 2:15

Uni o God i nemi sur mot in pam a kum wakak na pinapam, sur mot in sakbat ru a kum wasiso oros kut anun a taro ra ka det mananos.

1 Pita 3:17

Ra mot in taramo a ngunungut, uni mot pam a laulau ino, i wakak kut. Ikut ra o God i nemi sur mot in taramo a ngunungut una wakak na pinapam ra mot pami, i wakak doko.

1 Pita 4:19

I mo ra, det ra det los a ngunungut una nemnem anun o God, det in pitar tar det torom anundet a Tene Ukukis, ra i ser pam sot rop pas anun a kum wasiso, ma gong det mana nama pam a wakak na petutna.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

Tamtama 2:3

Mot sa taramo a ngunungut, uni mot mur iau, ma a pinimot ke ngoro, mot tur dekdek ut.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.