Galesia 5:24 - Nupela Testamen long tokples Kandas

²⁴ A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Galesia 5:24 ပူးပေါင်းရင်းမြစ်များ

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 6:6

Uni dat tasmani lena, a turai na nilaun anundat i sa mat tomo nam o Karisito unin nanai kutus, sur a sakino petutna una pinindat katu dekdekino. Ma ka dat in tene ititula melet mo anun a sakino petutna.

A Pas anun o Pol torom a taro Rom 8:13

Uni ra mot mur a sakino nemnem ina pinimot, mot in mat. Ikut, ra una dekdekin a Tokodos na Nion, mot in um doko ru a kum sakino petutna ra a pinimot i ser pami, mot in laun.

A Pas anun o Pol torom a taro Rom 8:9

Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 3:23

Ma mot anun o Karisito, ma o Karisito anun o God.

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Galesia 3:26

Uniri mot rop a kum nutnutun o God, uni mot nurnur un o Karisito Iesu.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Galesia 3:29

Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.

Galesia 5:20

a lotu torom a kum torotoro na god, a sangsagor, a petutna ra di nget a taro, a engaras, a nuknuk laulau un taio, a kankan, a nemnem sur a kinkinis na labino, a kinkinis sarara ma a tapagol susuaro,

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 3:11

Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Kolosi 2:11

Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.