Galesia 5:22 - Nupela Testamen long tokples Kandas

²² Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 5:22 ပူးပေါင်းရင်းမြစ်များ

Matiu 12:33

“In wakak na duwai, i ser wu a wakak na wino, ma in laulau na duwai, i ser wu a laulau na wino. Din tama lele in nanai tagun a wino.

Luk 13:9

Ra in wu una kilalo sapat, in wakak. Ra awu, un tau ru i mo.’”

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

A Wakak na Wasiso un o Iesu Karisito o Jon i tumusi 15:2

I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino.

A Wakak na Wasiso un o Iesu Karisito o Jon i tumusi 15:5

“Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 15:3

Uni o Karisito kai, awu sur i nuk pasi ut, awu. I pami elar nami ra di sa tumus tari una Buk Tabu lena, “O God, a kum sakino wasiso ra di watungi un ui, i ukadik iau utkai.” Sng 69:9

A Pas anun o Pol torom a taro Rom 15:30

A kum tistising, una risan a Labino o Iesu Karisito, ma una marmaris anun a Tokodos na Nion, a saring mot sur mot in dekdek tomo nam iau, nama niaring torom o God sur in warut iau.

A Pas anun o Pol torom a taro Rom 6:22

Ikut uniri di sa ulangolango pas mot gusun a sakino petutna, ma mot tene ititula mukut anun o God. A win a ngas na nilaun ra, i ben mot sur mot in talapor, ma katu dur un mot, ra o God in pitar a nilaun tukum torom mot.

A Pas anun o Pol torom a taro Rom 7:4

Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

A Pas anun o Pol torom a taro Rom 8:5

Det ra det mur a sakino nemnem ina pinindet, a nuknukin det kai i kis kut un asau ra a sakino nemnem ina pinindet i nemi. Ikut, det ra det mur a nemnem anun a Tokodos na Nion, a nuknukin det i kis un asau ra a Nion i nemi.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Epeses 4:23

Mot in pami lenra, sur o God in umatok a nuknuki mot.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

2 Tesalonaika 3:2

Ma mot in wararing sur metul, sur o God in ulaun metul gusun a sakino taro, uni awu sur a taro rop a kum tene nurnur.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.