Galesia 5:16 - Nupela Testamen long tokples Kandas

¹⁶ Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Galesia 5:16 ပူးပေါင်းရင်းမြစ်များ

A Pas anun o Pol torom a taro Rom 6:12

I mo ra gong melet mo mot pitar a pinimot, ra i ser mat, sur in kis utuntudu ina dekdekin a sakino petutna, sur mot in mur a kum sakino nemnem ina pinimot.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 3:17

Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram.

Galesia 6:8

Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion.

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Kolosi 2:11

Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot.

1 Pita 1:14

Mot a kum nutnutun o God, ra mot ser mur anun a wasiso, gong mot mur a kum sakino nemnem ra numugu mot ser pami ra ka mot mananos utmakai.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

1 Pita 4:6

Iri a kibino ra di sa warawai taru nama Wakak na Wasiso torom a taro ra uniri det sa mat. Ra det mat det los a warkurai una pinindet, elar nama taro rop, ikut di warawai torom det sur a niondet in laun elar nam o God i laun.