Galesia 5:13 - Nupela Testamen long tokples Kandas

¹³ A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Galesia 5:13 ပူးပေါင်းရင်းမြစ်များ

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

1 Korin 9:19

A lingmulus a sa langolango, ma ka papam na karabus torom taio. Ikut a pitar tar iau sur an tene ititula torom a taro rop, sur an ben lako susut na taro torom o Karisito.

2 Korin 12:15

A gas kut sur an pitar tar anung a kum utna rop, ma anung a nilaun kai, sur u warut mot. A nem doko mot, ma pepetlai, anumot a marmaris torom iau in natino kut?

2 Korin 2:8

I mo ra a saring mot, sur mot in upuaso melet anumot a marmaris toromi.

2 Korin 3:17

A Labino i a Nion, ma taio ra a Nion a Labino kura uni, in langolango.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Galesia 4:22

A Buk Tabu i watungi lena, o Abaram aru nutnutunu, o Ismael a nutun a tene ititula na ino, a risano o Agar. Ara kai, a risano o Aisak, a nutun o Sara, a ino ra awu sur a tene ititula.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Galesia 5:14

A kum Warkurai rop anun o God di ubek tomo pas det sur ara warkurai mukut, i lenri: “Un nem o pasam elar nami ra u nem ui ut.” Wkp 19:18

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

Epeses 5:21

Mot in unatino pas mot torom mot etetalai, uni mot urur torom o Karisito.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

2 Pita 2:19

Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.