Galesia 5:10 - Nupela Testamen long tokples Kandas

¹⁰ Ikut iau ut, a nurnur lena a Labino in udekdek mot sur mot in mulaot tomo nam iau. Ma osi ra i sa ban lokolokor tar mot, in taramo i ut a dekdek na warkurai anun o God toromi.

Galesia 5:10 ပူးပေါင်းရင်းမြစ်များ

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

1 Korin 5:5

mot in pitar tar a musano ra ulaman o Satan, sur din ban laulau a sakino nemnem ina pinino, ma o God in ulaun pas a niono una bung ra a Labino in nanpat melet.

2 Korin 1:15

A nuki lena, a nuknuki mot un met i lenri. Iri a kibino ra numugu a inanos tar mot lena an nanpat torom mot a mugano inawan, ra numur an milet a manru na inawan torom mot, sur an pitar a warut torom mot aru dino.

2 Korin 10:2

Ra an nanpat torom mot, i topasi kut sur an ukodos mot nama kum dekdek na wasiso. Ikut ka nemi. Ara taro tagun mot det watungi lena, met muri kut a petutna tagun a rakrakon bual. Ra a saring det, sur det in mana gusun a ngas na wasiso ra, sur gong a wanpat nama kum dekdek na wasiso torom det.

2 Korin 10:6

Met langlang mot sur mot in mur rop a wasiso anun o Karisito, ra numur met in waninar sur met in warkurai det ra det pitarngat.

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 2:3

Iri a kibino ra a tumtumus kut torom mot, sako ra an nan ut, an tupunuk un mot. Uni in wakak sur mot in ugasgas iau. A tasmani lena, ra an gas, mot kai dat in gas tomo.

2 Korin 2:6

A susut tagun mot, mot sa pitar tar a warkurai na minabalu toromi. I sa sot,

2 Korin 5:16

I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu.

2 Korin 7:16

A gas doko, uni a nurnur mulus un mot.

2 Korin 8:22

Ma met in tulu ru i kai ara tisimet una nurnur tomo nam der. Met sa lar tari a susut na dino, ma met tasmani lena, i ser gas sur a pinapam. Ra uniri, i nem doko i sur in warut una pinapam ri, uni i nurnur un mot.

Galesia 1:7

A etowo ra, awu sur a Wakak na Wasiso. Ara taro det ulokolokor a nuknuki mot ma det lari sur det in pukus a Wakak na Wasiso anun o Karisito.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Galesia 2:6

A taro ra di watung det nama kum mugumugu, ka det pukus a Wakak na Wasiso ri a warawai nami, ma ka det ubek tar lako kum Warkurai anun a taro Juda uni. Ra det a kum mugumugu o awu, ka nuk det. Umatan o God a taro rop det elar kut.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Galesia 4:11

A ngara doko sur mot, sako anung a pinapam torom mot in utna oros kut.

Galesia 4:17

A kum torotoro na tene ususer ra, det dekdek doko sur mot in mur det, ikut awu sur det pami sur det in uwakak mot. Det nemi kut sur mot in nan gusun met, sur mot in dekdek sur mot in longoro det.

Galesia 4:20

A nemi sur an kis torom mot, ma an wasiso na marmaris namin nalngang ut torom mot, uni ka tasmani lena, asau melet mo an pami torom mot.

Galesia 5:12

A nemi sur a taro ra det ususer mot sur din tok talilis mot, det in sil melet pas det ut!

Galesia 5:7

Numugu mot kalabor wakak. Ikut uniri, osi ra i ban lokolokor tar mot, ra ka mot muri mo a lingmulusino?

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.

Pilipai 3:15

I wakak sur dat, ra dat tur dekdek, a nuknukin dat in lenra. Ikut ra a nuknuki mot in senene un tu utna, o God ut in utalapori torom mot.

2 Tesalonaika 3:4

Metul nurnur una Labino lena kura ut mot mur a kum wasiso ra metul sa inanos tar mot uni, ma mot in ser muri lenutra.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

Pilimon 1:21

Ra a tumus a pas ri, a tasman mulusi lena, un muri ut anung a sasaring torom ui, ma a tasmani kai lena un pam a utna in labo taun asau ra a saring ui suri.