Galesia 4:8 - Nupela Testamen long tokples Kandas

⁸ Numugu, ra ka mot tasman o God, mot tene ititula torom a kum god ra awu sur a kum god mulus.

Galesia 4:8 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:10

A Wasiso i kis una rakrakon bual. Ma una Wasiso, o God i ukis a rakrakon bual, ikut a taro una rakrakon bual ka det tama lele pasi.

Aposel 14:12

Ra det nuki lena o Banabas a god Sus, ma o Pol a god Ermes, uni i a tene wasiso tander.

Aposel 17:23

Uni, ra a wan tuptupukus nin, a tama wakak a kum toktok ra mot lotlotu torom det, ma a sa tama tari kai ara kabulu ra di tuntun etabor uni, a tumtumus uni i lenri, ‘Torom a god ra ka di tasmani’. O naro ra mot lotu toromi, ikut ka mot tasmani, i kut ri, an warawai nami torom mot.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 12:2

Mot tasmani lena, ra ka mot nurnur utmakai, di ben raro pas mot torom a kum torotoro na god ra ka det ser wasiso, ma mot lotu torom det.

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

Galesia 4:3

Lenkutkai ra torom dat, numugu dat elar nama nat, dat elar nama kum tene ititula anun a kum laulau na nion taginin una rakrakon bual.

Epeses 4:18

Anundet a mananos i dumirum ma det bakbak gusun a nilaun anun o God, uni ka det tasman a lingmulusino, uni a balandet i watat.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Tesalonaika 4:5

Ma gong mot mur a dekdek na nemnem ina pamuk na petutna, elar nam det ra ka det tasman o God.

2 Tesalonaika 1:8

In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

1 Pita 4:3

Numugu mot pam a kum sakino petutna, ma i sa suano mot ra mot kis ubalan a kum sakino petutna ra. A kum sakino petutna ra, a kum taro ra ka det nurnur, det gas sur det in pami. Det pam a kum petutna na pamuk, det mur a kum laulau na nemnem, det sipak, det pam a kum labino lukaro ra det wangon dokodoko det, det wan tomo sur det in gas nama ininum, ma det lotu torom a kum torotoro na god, ra a warkurai anun o God i turbat dat gusuni.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.